ABŞ Polşaya ağır texnika ötürür

Polşa mediası yazır ki, ABŞ NATO-nun şərq cinahını gücləndirmək çərçivəsində Almaniyadakı hərbi bazalardan zirehli texnika və artilleriya qurğularını Polşaya köçürür.

 

Qeyd olunur ki, ölkənin mərkəzi hissəsindəki Povidzedəki bazaya 87 tank, 150 piyada döyüş maşını və 18 özüyeriyən artilleriya qurğusu ötürüləcək.

 

Lubusz və Böyük Polşa voyevodalıqlarının yollarında hərbi texnikanın intensiv hərəkəti müşahidə olunur.

 

NATO-nun şərq cinahının gücləndirilməsi üzrə planlaşdırılmış əməliyyat çərçivəsində texnikanın ötürülməsi sentyabrın sonunadək davam edəcək.

 

Bu əməliyyatın başlanması barədə iyunun 28-də ABŞ Müdafiə Nazirliyinin “Stars and Stripes” qəzeti məlumat yayıb.

 

Miri