Gürcüstan parlamenti “xarici agentlər” haqqında qanunu qəbul edərsə, Almaniya Gürcüstanı təhlükəsiz ölkə statusundan məhrum edə bilər.

Oxu24.com  xəbər  verir   ki, Bu barədə “Echo of Caucasus” yazır.

Almaniya Sosial Demokrat Partiyasından olan deputat Helge Lind qeyd edib ki, Almaniya hökuməti Gürcüstanda siyasi vəziyyətin inkişafını diqqətlə izləyir və şərtlərin nə dərəcədə yerinə yetirildiyini yoxlayır.

Onun sözlərinə görə, əgər Gürcüstan əhalisi “siyasi təqib təhlükəsi” ilə üzləşsə, bunun “uyğun nəticələri” olacaq.

Ötən ilin avqustunda Almaniya Gürcüstanı təhlükəsiz ölkələr siyahısına daxil edib. Almaniyanın daxili işlər naziri Nensi Feser deyib ki, Gürcüstan təhlükəsizdir, çünki ölkədə “dövlət təqiblərindən qorxmur və dövlət öz vətəndaşlarını qoruyur”.