NATO-Ukrayna şurasında nazirlər Kiyevə hava hücumundan müdafiə də daxil olmaqla yardımın çatdırılması prosesini sürətləndirmək barədə razılığa gəliblər.

Oxu24.com  xəbər  verir   ki, bu barədə baş katib Yens Stoltenberq videokonfrans vasitəsilə məlumat verib.

“Biz mövcud hava hücumundan müdafiə sistemlərinin inventarını apardıq və belə qənaətə gəldik ki, onların bir qismini Ukraynaya ötürə biləcəyik”.

Stoltenberq əlavə edib ki, o, NATO ölkələrindən yeni Patriot sistemlərinin ötürülməsi ilə bağlı açıqlamalar gözləyir.

O əlavə edib ki, NATO ölkələri də Ukraynanın mövcud sistemləri üçün ehtiyat hissələri və raketlər tədarük etməlidir.

NATO-nun baş katibi daha əvvəl bəyan etmişdi ki, alyans ölkələri “daha ​​dərin qazmalı” və Ukraynanı sursat və hava hücumundan müdafiə sistemləri ilə təmin etməlidir.

Aprelin 16-da axşam Ukraynanın keçmiş prezidenti Leonid Kuçmanın keçmiş müşaviri Oleq Soskin bildirib ki, Ukrayna prezidenti Vladimir Zelenskinin ABŞ-dan yeni yardım almaq planı iflasa uğrayıb, lakin Ukrayna lideri ukraynalıları döyüş meydanına atmaqda davam edir.

Bundan əvvəl Stoltenberq NATO ölkələrini təcili olaraq Ukraynanı hava hücumundan müdafiə sistemləri və sursatla təchiz etməyə çağırıb.

Afət