Cəlilabadda 2 uşaq anasının qətlinin təfərrüatı - YENİLƏNİB

17:01

Cəlilabadda 46 yaşlı qadının qətlinin təfərrüatları məlum olub.

Oxu24.com APA-ya istinadən bildirir ki, Təzəkənd kənd sakini, 1975-ci il təvəllüdlü Rəna Allahqulu qızı Xanəliyeva ilə onun keçmiş həyat yoldaşı, 1980-ci il təvəllüdlü Cavid Nəriman oğlu Bayramov arasında mübahisə yaranıb.

Barışmaqlarını istəyən C. Bayramov mübahisə nəticəsində R. Xanəliyəvanı öz evində 10-dan çox bıçaq zərbəsi ilə qətlə yetirib.

Təxminən 10 il əvvəl boşanmış cütlüyün 2 övladı var.

Faktla bağlı Cəlilabad Rayon Prokurorluğunda araşdırma aparılır.

-------

13:26

Cəlilabadda qadın qətlə yetirilib.

OXU24.COM  APA-ya istinadən bildirir ki,  qətl hadisəsi rayonun Təzəkənd kəndində baş verib.

Kənd sakini olan qadının öldürüldüyü bildirilir.

Hazırda öldürülən qadının və qətli törədənin kimliyi müəyyənləşdirilir.

Faktla Cəlilabad Rayon Prokurorluğunda araşdırma aparılır.