Tanınmış müğənni Faiq Tapdıqoğlunun (Ağbabalı) ölümü ilə bağlı yeni təfərrüat məlum olub.
Bacısı Səbinə İsmayılovanın Missiya.Az-a verdiyi məlumata görə, qardaşının koronavirusdan ölməsi barədə yayılan xəbərlərin heç bir əsası yoxdur.
"Mənim qardaşımın ürək çatışmazlığı var idi. O koronavirusdan deyil, ürək çatışmazlığından vəfat edib. Tromp partlayıb. Saytların yazdığı xəbər yalandır. Dəqiqləşdirməmiş yazıblar. Bizim ürəyimiz dağlıdır. Anamın gözü yaşlıdır. Belə xəbərlər yayanlar dəqiqləşdirib yazmalı idilər. Bizim əlimizdə Səhiyyə Nazirliyini "Məhkəmə-Tibbi ekspertizaya və patoloji anatomiya birliyini"nə məxsus ölüm kağızı var. Qaraşımızın meyiti bizə təhvil verilib".
Qeyd edək ki, Faiq Tapdıqoğlu "Ağbaba" qrupunda fəaliyyət göstərirdi. O, Qərbi Azərbaycan folklorunun yaşadılmasında xidmətləri olan müğənni kimi, həmçinin el şənliklərinin mahir aparıcısı kimi tanınıb.
Bir neçə gün əvvəl onun koronavirusdan vəfat etdiyi barədə xəbər yayılmışdı.
Oxu24.com
ŞƏRHLƏR