Rusiyada son bir gündə daha 7 843 nəfərə COVID-19 diaqnozu qoyulub.

Oxu24.com xəbər verir ki, bu barədə ölkənin Operativ Qərargahı məlumat yayıb.

Qeyd olunub ki, bununla da Rusiyada koronavirusa yoluxanların sayı 553 301 nəfərə çatıb.

Ölkədə virusdan ölənlərin sayı isə daha 194 nəfər artaraq 7 478-ə yüksəlib. Bundan başqa, Rusiyada indiyədək koronavirusa yoluxan 304 342 nəfər sağalıb.
Bildirilib ki, yeni yoluxmaların əksəriyyəti paytaxt Moskvada aşkarlanıb – 1 065 nəfər.