Müğənnilər Nigar Camal və Eldar Qasımov “Eurovision-2020” mahnı müsabiqəsinin əvəzinə təşkil olunan “Europe Shine A Light” (“Avropa işıqla parıldayır”) adlı verilişdə yer alıb.

Publika.az xəbər verir ki, onlar yarışma üçün bu il təmsilçi seçilən Samirə Əfəndi ilə birlikdə 2011-ci ildə qalib olan mahnımız “Running Scared”in akustik versiyasını ifa edib.

Azərbaycana qələbə qazandıran mahnının yeni versiyası “Eurovision” müsabiqəsinin rəsmi yutub kanalında təqdim olunub. Akustik versiyada ifa olunan kompozisiya sosial şəbəkələrdə böyük maraqla qarşılanıb.