Azərbaycanda bu şəxslər sosial yardım alacaq - İZAH  

Məlum olduğu kimi,Azərbaycanda  imkansız ailələrə sosial yardım verilir.Bu sahədə ən çox verilən suallardan biri də kimlərə bu maddi yardımın ödənilməsi  ilə bağlıdır.

Oxu24.com oxuculardan gələn çoxsaylı sualları nəzərə alaraq bu sahədə maarifləndirici mövzuda yazı hazırlayıb.

Hansı ailələr sosial yardım almaq hüququna malikdir?

Oxu24.com xəbər verir ki,sosial yardım hüququna orta aylıq gəliri onlardan asılı olmayan səbəblərdən (ailə üzvlərinin əmək qabiliyyətsiz olması, ailənin əmək qabiliyyətli üzvünün orqanizmin funksiyalarının 81-100 faiz pozulmasına görə əlilliyi müəyyən edilmiş şəxsə, əlilliyi olan uşağa və ya 8 yaşına çatmamış uşağa qulluq etməsi, 23 yaşınadək əyani təhsil alması, müvafiq icra hakimiyyəti orqanında dövlət orqanının və ya hüquqi şəxsin ləğv edilməsi və ya işçilərin sayı və ya ştatların ixtisar edilməsi ilə əlaqədar işsiz kimi qeydə alınması, vəfat etməsi, məhkəmə tərəfindən itkin düşmüş və yaxud ölmüş hesab edilməsi, azadlıqdan məhrum edilməsi, ailə üzvünün olduğu yerin məlum olmaması) hər bir ailə üzvü üçün ehtiyac meyarının məcmusundan aşağı olan aztəminatlı ailələr malikdirlər.

Sosial yardımın məbləği necə müəyyən edilir?

Sosial yardımın məbləği ailənin orta aylıq gəliri ilə hər bir ailə üzvü üçün ehtiyac meyarının məcmusu arasında yaranan fərq məbləğində hesablanır.

Ailə üzvlərinin gəlirləri hansı növlər üzrə bölünür?

Ailə üzvlərinin gəlirləri muzdlu işlə əlaqədar gəlirlərə, muzdlu işlə əlaqədar olmayan gəlirlərə, alınmış cari transfertlərə və digər gəlirlərə bölünür.

Sosial yardımın təyin olunması zamanı kimlər ailə tərkibində nəzərə alınmır?

Sosial yardımın təyin olunması zamanı ailə tərkibində aşağıdakı şəxslər nəzərə alınmır:

1. Tam dövlət təminatında olan şəxslər (uşaq evi və internatlarda, ahıllar və əlilliyi olan şəxslər üçün sosial xidmət müəssisələrində, xüsusi təhsil müəssisələrində yaşayan şəxslər);

2. müddətli həqiqi hərbi xidmətdə olan şəxslər;

3. Cəzaçəkmə müəssisələrində cəza çəkən şəxslər;

4. Axtarışda olan şəxslər;

5. Azərbaycan Respublikasının ərazisində yaşamayan Azərbaycan Respublikası vətəndaşları;

6.Əcnəbilər (Azərbaycan Respublikasının ərazisində daimi yaşayanlar istisna olmaqla).

Sosial yardımın müddəti bitdikdən sonra təkrar müraciət etmək olarmı?

Aztəminatlı ailə sosial yardım almaq üçün təkrar müraciət etmək hüququna malikdir.

Hazırladı: Şahbaz

Həmçinin oxuyun

Pensiya və sosial müvinətlərlə bağlı ŞAD XƏBƏR 

Paytaxtda hər şey dəyişir: Yeni Bakı necə OLACAQ?

Bakıdan Paşinyanın qələbəsinə baxış: İlham Əliyevin hansı fikri  seçki debatlarında 100 dəfədən çox səsləndirilib?   

Bağı olanlara ŞAD XƏBƏR