Son illərdə nəqliyyat sistemində hansı dəyişikliklər baş verib?— EKSPERT AÇIQLADI

CƏMİYYƏT

464

27.04.2026, 12:38

Paytaxt nəqliyyatında tətbiq edilən yeniliklər və qarşıda duran əsas hədəflər açıqlanıb.

Nəqliyyat eksperti Aslan Əsədov sahədəki son vəziyyəti Oxu24.com üçün şərh edib.

Bakı şəhərinin nəqliyyat infrastrukturunda son illərdə müşahidə olunan dəyişikliklər həm ekspertlərin, həm də şəhər sakinlərinin diqqət mərkəzindədir. Xüsusilə ictimai nəqliyyat parkının yenilənməsi və koordinasiyalı idarəetmə prinsiplərinin tətbiqi bu sahədəki əsas inkişaf göstəriciləri hesab olunur.

Nəqliyyat eksperti Aslan Əsədov Oxu24.com-a bildirib ki, hazırda nəqliyyat vasitələri arasında düzgün koordinasiyanın qurulması ən vacib amillərdən biridir.

Onun sözlərinə görə, ölkəyə gətirilən yeni avtobusların və marşrutların inteqrasiyası sistemli şəkildə həyata keçirilməlidir:

"Bu gün nəqliyyat vasitələri arasında koordinasiya və rentabellilik düzgün qurularsa, vətəndaşlar bu xidmətlərdən daha rahat istifadə edə biləcəklər. Koordinasiyanın düzgün təşkili və ixtisaslaşma bizim üçün prioritet olmalıdır”.

Vətəndaş Nə Gözləyir?

Ekspert qeyd edib ki, müasir şəhər infrastrukturunun başlıca meyarı vətəndaşın ehtiyaclarını qarşılamaqdır. İnsanlar üçün ən vacib iki amil—zaman və münasib qiymətdir:

“Sakinlər mənzil başına daha tez çatmağı və artıq qalan vaxtı özlərinə sərf etməyi hədəfləyirlər.

Nəqliyyat xərclərinin az olması və xidmətin keyfiyyəti əsas tələblərdəndir. Şəhər mühitində infrastruktur elə qurulmalıdır ki, ictimai nəqliyyatdan istifadə hər kəs üçün əlçatan olsun”.

Sonda ekspert vurğulayıb ki, Bakı nəqliyyatının gələcək inkişafı məhz bu amillərin — düzgün planlaşdırma, vaxta qənaət və iqtisadi səmərəliliyin üzərində qurulmalıdır.

Çimnaz Telmanqızı

Həmçinin oxuyun