Repititorluq sistemi LƏĞV OLUNA BİLƏRMİ?—Ekspertdən AÇIQLAMA  

Oxu24.com təhsil sahəsindəki aktual problemləri işıqlandırmağa davam edir. Azərbaycanda uzun illərdir müzakirə mövzusu olan repetitorluq sisteminə son qoyulmasının mümkünlüyü və bu sahədəki zəruri islahatlar barədə təhsil eksperti Rizvan Fikrətoğlu maraqlı fikirlər səsləndirib.

Ekspert qeyd edir ki, repetitorluğu tamamilə ləğv etmək real olmasa da, məktəb təhsilinin keyfiyyətini artırmaqla bu sahədəki asılılığı minimuma endirmək mümkündür.

Bəs, repetitorluğa ehtiyacı azaldacaq əsas islahatlar nələr olmalıdır?

Rizvan Fikrətoğlunun təklif etdiyi strateji həll yollarını təqdim edirik:

Ekspertin fikrincə, məktəbdə tədris olunan proqramla qəbul imtahanları arasındakı fərq aradan qaldırılmalıdır ki, şagird əlavə müəllim yanına getməyə məcbur qalmasın:

“Müəllimlərin əməkhaqqı və davamlı təlimləri gücləndirilməlidir, güclü müəllim sinifdə hər bir şagirdlə fərdi işləməyi bacarmalıdır. 

30 nəfərdən çox şagirdi olan siniflərdə fərdi yanaşma mümkün deyil, buna görə də siniflərdəki şagird sayı azaldılmalıdır. Zəif şagirdlər üçün rəsmi əlavə məşğələlər, güclü şagirdlər üçün isə xüsusi inkişaf qrupları məhz məktəb daxilində təşkil olunmalıdır.

İmtahanlar yalnız test yaddaşına deyil, analitik təfəkkürə və layihə əsaslı bacarıqlara söykənməlidir. 

“Hamı gedir, mənim də uşağım getsin" düşüncəsini qırmaq üçün məktəb nəticələrinin şəffaflığı və etibarlılığı təmin edilməlidir”.

R.Fikrətoğlu əlavə edib ki, keyfiyyətli video dərslər və onlayn platformalar hamı üçün əlçatan olarsa, xüsusən regionlarda repetitordan asılılıq azalar.

Nəticə olaraq, məsələ repetitorluğu qadağan etmək yox, onu zəruri edən səbəbləri aradan qaldırmaqdır. Əgər məktəb sistemi güclü işləsə, repetitor sadəcə əlavə bir lüks olacaq.

Çimnaz Telmanqızı

Həmçinin oxuyun

Hava dəyişir: 5 gün yağış yağacaq - Bu tarixlərdə 

Onlar vəzifədən azad OLUNDULAR

Prezidentlər Cıdır düzündə: Şuşadan regiona və dünyaya hansı mesajlar verildi? — ŞƏRH  

SON DƏQİQƏ! Vəzifəsindən azad edildi