Daşınmaz əmlak bazarında sənədləşmə məsələsi alıcılar üçün ən həssas mövzulardan biri olaraq qalır. Xüsusilə çıxarışı olmayan evlərin satışı zamanı hüquqi risklər daha da artır. Bir çox hallarda vətəndaşlar daha ucuz qiymətə görə etibarnamə və ya bələdiyyə sənədləri ilə kifayətlənirlər. Lakin bu cür yanaşma sonradan ciddi mübahisələrə və mülkiyyət problemlərinə səbəb ola bilər.

 Oxu24.com xəbər verir ki məsələ ilə bağlı iqtisadçı Vüqar Oruc Demokrat.az-a bildirib ki, etibarnamə mülkiyyət hüququnu ötürmür, yəni etibarnamə ilə mülkiyyət bir şəxsdən digərinə keçmir:

"Bu, əsasən sənədsiz evlərlə bağlıdır. Həmin evlərin çıxarışı olmadığı üçün sahibi satışı etibarnamə yolu ilə həyata keçirməyə çalışır. Bu isə hüquqi baxımdan əsaslı sənəd hesab olunmur.

İkincisi, bələdiyyə sənədinin olması o deməkdir ki, bələdiyyə tərəfindən müəyyən icazə verilib, lakin konkret obyektin çıxarışı yoxdur. Belə hallarda ehtiyatlı yanaşmaq lazımdır. Çünki bir çox hallarda bələdiyyə tərəfindən verilmiş sənədlər ya saxta olur, ya müddəti bitir, ya da müxtəlif səbəblərlə çıxarış alınmadığı üçün sadəcə bələdiyyə sənədi kimi qalır. Bu səbəbdən belə sənədlər etibarlı hesab olunmur".

Ekspert deyib ki, Dövlət Əmlak Xidməti və kadastr tərəfindən verilmiş çıxarışı olan evlər hüquqi baxımdan daha etibarlıdır.

"Bu cür daşınmaz əmlakı notarial qaydada alqı-satqı etmək mümkündür. Tövsiyə olunur ki, məhz bu sənədlərə əsaslanan evlərə üstünlük verilsin ki, sonradan problemlər yaranmasın. Yekun olaraq, çıxarışı olmayan hər hansı daşınmaz əmlakı almaq məsləhət deyil. Adətən aztəminatlı və ya yeni qurulmuş ailələr daha ucuz olduğu üçün sənədsiz evlərə üz tuturlar. Bu başa düşüləndir, lakin nəticədə ciddi problemlərin yaranmasına səbəb ola bilər",- deyə o bildirib.

Həmçinin oxuyun

Həmin ödənişlər 1 həftə ərzində ödəniləcək  —  RƏSMİ

Atalıq məzuniyyətinə çıxan kişilərə nə qədər pul veriləcək?

Vilyam Hacıyevin ailəsinin sürdüyü maşınlar - “Su qiymətinə”

Hamilə qadınlara işdə bu güzəşt OLACAQ — VACİB AÇIQLAMA