Psixologiya ixtisasına maraq artır – yeni universitetlərdə tədris təklif olunur - ÖZƏL

CƏMİYYƏT

612

11.03.2026, 21:33

Dövlət İmtahan Mərkəzinin sədri Məleykə Abbaszadə Martın 3-də Bakı Ali Neft Məktəbində ali təhsil müəssisələrinin rəhbərləri ilə görüşü zamanı psixologiya ixtisasının ali məktəblərdə daha geniş şəkildə tədris olunmasının vacibliyini vurğulayıb. Onun sözlərinə görə, bu ixtisasın bütün özəl ali təhsil müəssisələrində və bəzi dövlət universitetlərində qəbul planına daxil edilməsi həm abituriyentlərin seçim imkanlarını artırar, həm də ölkədə psixoloji xidmətlərin inkişafına müsbət təsir göstərə bilər.

Məleykə Abbaszadə bildirib ki, son illər psixologiya sahəsinə maraq xeyli artıb. Müasir dövrdə psixoloji xidmətlərə ehtiyacın çoxalması bu sahədə peşəkar mütəxəssislərin hazırlanmasını daha da aktuallaşdırır. Buna görə də ali təhsil müəssisələrində psixologiya ixtisasının genişləndirilməsi zəruri hesab olunur.

Oxu24.com xəbər verir ki,hazırda Azərbaycanda bir sıra universitetlərdə psixologiya ixtisası üzrə tədris aparılır. Bu ixtisas aşağıdakı ali təhsil müəssisələrində mövcuddur:

* Bakı Dövlət Universiteti (BDU)

* Bakı Slavyan Universiteti (BSU)

* Qarabağ Universiteti (QU)

* Sumqayıt Dövlət Universiteti (SDU)

* Naxçıvan Dövlət Universiteti (NDU)

* Gəncə Dövlət Universiteti (GDU)

* Qərbi Kaspi Universiteti (QKU)

* Odlar Yurdu Universiteti (OYU)

* Xəzər Universiteti (XU)

* Bakı Qızlar Universiteti (BQU)

Son illərdə psixologiya ixtisasına marağın yüksək olduğu müşahidə edilir. Bu səbəbdən universitetlərdə qəbul planlarının genişləndirilməsi məsələsi müzakirə olunan əsas mövzulardan biri kimi qiymətləndirilir.

Nərmin Balacayeva

Həmçinin oxuyun