Zirəddin İranla bağlı dəhşətli proqnoz verdi 

Mən daha öncə demişdim ki, İranın dini lideri Əli Xameneiyə kənardan təhlükə görmürəm. Təhlükənin ona öz xalqından gələcəyini də vurğulamışdım. Çox təəssüf ki, bu, belə də oldu.

Oxu24.com xəbər verir ki,bu sözləri Axar.az-a açıqlamasında kliniki psixoloq, ekstrasens Zirəddin Rzayev İranla bağlı bir ay öncəki proqnozları haqda danışarkən deyib.

“Bütün rəsmi məlumatlarda bildirilir ki, ABŞ kəşfiyyatı ölkədaxili agentlərdən Xameneinin harada, nə zaman və hansı tədbirlərdə olacağına dair məlumatlar əldə edib. Daha sonra da əldə edilən məlumatlar peyk vasitəsi ilə izlənilib. Nəticə isə göz qabağındadır.

ABŞ kəşfiyyatı məlumatı İranın daxilindən, yəni Xameneinin öz millətindən əldə edib və bu baxımdan proqnozumda yanılma yoxdur. Hətta dini liderin öz adamlarının onu satdığına dair açıqlamalar da var.

Xamenei öz əcəli ilə ölməyib. Sui-qəsd nəticəsində öldürülüb. Onun əvvəlcədən öldüyünə dair yayılan xəbərlər həqiqəti əks etdirmir”, - ekstrasens vurğulayıb.

Zirəddin Rzayev əlavə edib ki, İran hakimiyyətinin süqutu qaçılmazdır:

Həmçinin oxuyun

Prezident İMZALADI:Yeni qaydalar TƏSDİQLƏNDİ

Prezident İlham Əliyev FƏRMAN İMZALADI

İranı bu gedişlə nələr gözləyir?    —   SENSASSİYALI AÇIQLAMA 

Martda pensiya və müavinət gözləyənlərə ŞAD XƏBƏR

“2026-2027-ci illərdə İranın indiki hakimiyyətinin böyük ehtimalla devriləcəyini demişdim. Bu, yay və payız aylarına təsadüf etməlidir. Dediyim kimi, sentyabr ayı, o cümlədən "17" rəqəmi daha aktiv və tarixi önəmli rəqəmdir.

İranla bağlı irimiqyaslı hadisələrin baş verəcəyini, həmçinin başqa dövlətlərin bu savaşa daxil olacağını düşünmürəm. Bu gərginliklər fonunda İran hakimiyyətində qəfil dəyişikliklər olmayacaq. Əksinə hissə-hissə, bir mərhələdən başqa bir mərhələyə keçəcək. Beləliklə, iqtidar tədricən öz qüvvəsini itirəcək. Qısaca desək, süqut qaçılmazdır.

Bundan əlavə, İranda iqtisadi baxımdan böyük inkişaf olmasa da, indiki İranın gələcəyi qədim Pompey xalqının həyat tərzindən fərqlənməyəcək. Əxlaqi tənəzzül, kriminal, zəlzələlər də son beş ildə qaçılmazdır.

Fikrimcə, hazırda İran barama qurdunu xatırladır. Artıq ipək vermək vaxtı bitib və İran hakimiyyəti kəpənək olmaq dövrünü yaşayır”.

Ekstrasens saytımıza göndərdiyi fotoda gizli kəhanətin olduğunu da vurğulayıb. Ancaq kəhanət barədə əlavə heç bir təfərrüat verməyib.