Emin Ağalarovdan Bayılda yaşayanlara MÜJDƏ 

"Formula 1" üzrə Azərbaycan Qran-Prisinin yeri yaxın gələcəkdə dəyişdiriləcək. Bu, Xəzər dənizi sahilində, "Sea Breeze" kurortu çərçivəsində alov formasında, sahəsi 200 hektar olan süni adanın yaradılmasından sonra reallaşacaq. Layihə çərçivəsində "Formula 1" yarışının Bakının mərkəzindən həmin əraziyə köçürülməsi nəzərdə tutulur.

Oxu24.com  xəbər verir ki, bu barədə "Agalarov Development" şirkətinin prezidenti Emin Ağalarov "RİA Novosti"-yə açıqlamasında məlumat verib. O, “Fire Island” adasında yeni “Formula1” trasının 2031-ci ildə istifadəyə verilə biləcəyini diqqətə çatdırıb.

Ağalarovun sözlərinə görə, layihənin ümumi dəyəri 15–16 milyard dollar təşkil edə bilər:

"Adanın yaradılması təxminən 1 milyard dollara başa gələcək, onun üzərində daşınmaz əmlak tikintisi isə sıxlıq və kvadratmetrlərin sayından asılı olaraq əlavə 10–15 milyard dollar tələb edəcək".

Bakının hər il mərkəzində keçirilən bu yarışa görə əsas yollar bağlanırdı. Bu da vətəndaşların, xüsusən şəhərin cənub istiqamətində olanların gediş-gəlişini çətinləşdirirdi. Bəs adada trasın istifadəyə verilməsindən sonra vəziyyət dəyişəcəkmi?

Nəqliyyat eksperti Rauf Ağamirzəyev bildirib ki, 10 ildir ki, "Formula 1" treki keçirilir və bu da Bakıda müəyyən məhdudlaşdırmalara səbəb olur:

"Formula 1"in keçirilməsindən bir ay öncə və sonrakı tarixlərdə müəyyən qurğuların qurulması və onların demontaj olunmasına ehtiyac olur. Bu isə paytaxtda hərkətin sıxlığına səbəb olur. Əgər paytaxtdan kənarda, məsələn, "Sea Breeze" ərazisində təşkil edəcəklərsə, bu, müsbət təsir edəcək. Ən azından paytaxt daxilində bu məhdudlaşdırmalara ehtiyac qalmaz və şəhər öz həyatına davam edər. "Sea Breeze" lokal bir ərazidir, aeroporta birbaşa bağlantısı olan yolları var, həm də paytaxtın mərkəzi ilə avtobus və dəmir yolu üzərindən birbaşa əlaqəlidir. Kim getmək istəsə, adi qaydada iştirak edə bilər. Süni adalarda da maraqlı bir treyk olacaq.

Paytaxtın gələcəkdə çox mərkəzli olması lazımdır. Hər şeyi şəhərin mərkəzinə cəmləmək yox, eyni zamada kənarlarda da təşkil etmək olar. Bu, öz müsbət təsirini göstərəcək”.(musavat.com)

Həmçinin oxuyun

SON DƏQİQƏ! Onlar vəzifələrini itirdilər

Bakıda yaşayanlara vacib XƏBƏR: Mayın 16-dan ETİBARƏN...

Prezident Fərman İMZALADI: Nazirlər Kabineti bu məsələləri həll etməlidir

Tanınmış ailənin qızına yüksək vəzifə verildi  — DOSYE