Ramiz Mehdiyev Xalq artistinə bahalı ev hədiyyə edib?

Son günlər Xalq artisti Bilal Əliyev maraqlı açıqlamaları ilə medianın gündəminə düşüb.

Müğənni bir müddət öncə  “Tarixin bir günü” verilişində öz maddi vəziyyəti ilə bağlı açıqlama verib.

O, bildirib ki, artıq elə qədər vəsait toplayıb ki, toy mərasimlərinə qatılmasa belə, rahat yaşamağa kifayət edər:

“Mənə 100 il ömür versinlər, mən artıq o 100 ilə qədər təminatdayam. Topladığım pullar mənə bəs edər. Yəni, gündə 100–150 manat xərcləsəm belə, yenə də çatacaq,” – deyə Xalq artisti televiziya efirində söyləyib.

Müğənninin var-dövlət mövzusu ilə  gündəmə gəldiyi bir vaxtda Oxu24.com-a məlumatlı mənbə tərəfindən yeni informasiya daxil olub.

Mənbənin verdiyi məlumata görə,Xalq artisti Bilal Əliyev bir neçə bahalı mənzilə sahibdir.Hətta,mənzillərdən birinin  ona Ramiz Mehdiyev  tərəfindən  hədiyyə edilməsi də iddia olunur.

Söhbət Nəsimi rayonu,Dilarə Əliyeva küçəsi 251 A ünvanında yerləşən çoxmərtəbəli yaşayış  kompleksindən gedir. Sözügedən yaşayış kompleksi Ramiz  Mehdiyevə məxsus olduğu deyilən  “Topaz MTK” tərəfindən  2005-ci  ildə inşa edilib.

Bina  2017-ci ilə qədər “Topaz MTK” nın idarəçiliyində olub.2017-ci ildən isə  kompleks “Nəsimi 11 MMMC (red- mənzil mülkiyyətçilərinin müştərək cəmiyyəti) tərəfindən idarə olunur.

Mənbənin verdiyi məlumata görə,Ramiz Mehdiyev bu binalarda bir çox sənətçilərə evlər hədiyyə edib.

Məlumat üçün qeyd edək ki,sözügedən binada keçmiş deputat Gültəkin Hacıbəylinin də iki mənzili var.Mənzillərdən biri onun atasının,digəri isə bacısının adınadır.

Ramiz Mehdiyev tərəfindən ona mənzil hədiyyə olunması iddiası ilə bağlı Xalq artisti Bilal Əliyevin özü ilə əlaqə saxladıq.Xalq artisti sözügedən binada mənzilə sahib olduğunu təsdiqlədi.

"Bu binada yaşayıram.Evi mənə qayınatam alıb.Yəni,Ramiz Mehdiyev verməyib.O,adamı da heç tanımıram.Üz-üzə də gəlməmişik.Evi qayınatam qızına (Red-həyat yoldaşını nəzərdə tutur) hədiyyə edib.Özümüz pul verib almışıq.Evin çıxarışı da mənim adımadır",-deyə Bilal Əliyev bildirib.

Məlumat üçün qeyd edək ki,sözügedən binalar el arasında "Ramiz Mehdiyevin binaları" kimi tanınır.Binaların  yerləşdiyi  ərazi kifayət qədər əlverişli olduğu üçün mənzillər yüksək qiymətə satışa çıxarılır.

Həmçinin oxuyun

TƏCİLİ!Həmin şəxs tutularaq Azərbaycana gətirilir

XƏBƏRDARLIQ: yağış yağacaq, şimşək çaxacaq 

Artan pensiyalarla bağlı AÇIQLAMA

Bu rayonlardan Bakıya gələnlərə pis xəbər — Qadağa qoyula bilər