“Hətta qabırğalardan birini tapa bilmədik” 

“Rusiyanın Yekaterinburq şəhərində vəhşicəsinə qətlə yetirilən Ziyəddin və Hüseyn Səfərovların ekspertizasının nəticələri məlum olub. İyunun 30-da mərhumların meyitləri Məhkəmə-Tibbi Ekspertiza və Patoloji Anatomiya Birliyinə gətirildi və 10-11 radələrində Komissiya tərəfindən meyitlər kriminalistlərin iştirakı ilə müayinə olundu”.

Oxu24.com   xəbər verir ki, bunu Səhiyyə Nazirliyi Məhkəmə-Tibbi Ekspertiza və Patoloji Anatomiya Birliyinin baş direktoru Ədalət Həsənov Rusiyada qətlə yetirilən azərbaycanlılarla bağlı ekspertizanın nəticələrinə dair mətbuat konfransında bildirib.

Onun sözlərinə görə, müayinədən öncə mərhumların tibbi şəhadətnamələri gətirilib: “Müayinə nəticələrinə əsasən, böyük qardaş Hüseyn Səfərovun Rusiyanın verdiyi tibbi şəhadətnaməsindən aydın olur ki, ölümə səbəb travma olub. İkinci qardaş isə ürəktutmadan ölüb.

Biz meyitləri müayinə etdik. H.Səfərova travma küt alətlə yetirilib. Kim tərəfindən, harada olduğu qeyd olunmur. Biz müayinə edərkən çoxlu sayda travma müəyyən etdik. Burun sümüklərinin yerini dəyişən sınığı var idi. Döş qəfəsi deformasiyaya uğrayıb. Asimmetrikdir, göz qapaqlarında 12-14 sm sahədə hematoma müşahidə olunur. Həmçinin üst və alt dodaqlarda, əllərdə və xayalarda qançırlar, alında sıyrıqlar var. Nə ilə vurulduğunu deyə bilmərəm. Başın dərisini aralayarkən geniş qansızmalar, baş beyinin həm sərt, həm də yumşaq qişasında qansızmalar mövcuddur. Qabırğalarda - 7-8 qabırğada sınıqlar var”.

Həmçinin oxuyun

Leyla Əliyeva xalasını doğum günündə belə TƏBRİK ETDİ  

Respublikanın ən gənc  prorektoru  Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi?  - SUALA CAVAB 

Ə. Həsənov qeyd edib ki, birinci meyitdən fərqli olaraq ikincidə - Z.Həsənovun meyitində travmalar az olub: “Ona görə də ürəktutma səbəb kimi göstərilib. Onların verdiyi şəhadətnamədə göstərilib ki, ölüm ürəyin işemik xəstəliyindən baş verib. Səbəb də ürək-ağciyər çatışmazlığı göstərilib.

Bizim müayinəmiz zamanı hər iki göz, alın, gicgahda qansızmalar var idi. Döş qəfəsində müxtəlif qançırlar var idi. Döş qəfəsi asimmetriyalıdır, deformasiya olunub. Həmçinin xayalıqda xeyli qançırlar və sıyrıqlar da var. Bunlar xarici müayinənin nəticələridir. Daxili müayinə zamanı da birincidə - H.Səfərovda olduğu kimi döş qəfəsində sıxılmalar var, hətta qabırğalardan birini tapa bilmədik. Qarının arxa divarında qansızmalar, hematomalar var idi. Ölümə çoxsaylı travmalarla əlaqədar posttravmatik şok səbəb olub”.

Xatırladaq ki, iyunun 27-si səhər saatlarında Rusiya Federal Təhlükəsizlik Xidməti Yekaterinburq şəhərində azərbaycanlıların yaşadığı evlərə basqın edib. Hadisə zamanı 2 azərbaycanlı öldürülüb, bir neçə nəfər saxlanılıb. Öldürülən azərbaycanlılar tanınmış jurnalist Seyfəddin Hüseynlinin qardaşlarıdır.