Sürücülər “qan ağlayır” - Cərimələrin sayı niyə çoxalıb?

"AYNA-nın böyük bir layihəsi qüvvəyə mindi. Onlar demək olar ki, bütün dayanma-durma ərazilərini kameralaşdırdılar. Şəhərin müxtəlif yerlərində olan dayanma-durma ərazilərində sürücülərə cərimələr tətbiq edilməkdədir. Kameraların sayı isə həddən artıq çoxalıb".

 Oxu24.com xəbər verir ki bu sözləri Yenisabah.az-a açıqlamasında Sosial-strateji Tədqiqatlar və Analitik Araşdırmalar İctimai Birliyinin sədri İlqar Hüseynli deyib. O, bildirib ki, son zamanlar nəqliyyat sahəsində cərimələrin sayı xeyli artıb:

"Əslində belə bir tendensiya müşahidə olunur. Cərimələnmə halları çoxalıb. Çünki AYNA-nın böyük bir layihəsi qüvvəyə mindi. Onlar demək olar ki, bütün dayanma-durma ərazilərini kameralaşdırdılar. Şəhərin müxtəlif yerlərində olan dayanma-durma ərazilərində sürücülərə cərimələr tətbiq edilməkdədir. Kameraların sayı isə həddən artıq çoxalıb. Tutaq, şəhərdaxili maksimal sürət 60 kilometr/saat olaraq nəzərdə tutulur. Bəzən sürücü bu sürət həddini aşır. Elə prospektlər var ki, orada əvvəllər kameralar yox idi. İndi isə həmin prospektlərdə sürət həddinə nəzarət edən kameraların sayı kəskin artıb. Bu da öz təsirini göstərir".  pizza

İlqar Hüseynli qeyd edib ki, bu kimi hallar avtomobil sürücülərinin işini xeyli çətinləşdirir:

Həmçinin oxuyun

Zəlzələ BAŞ VERDİ

Ədliyyə Nazirliyində mühüm vəzifələr  boş qalıb — Təyinatları gecikdirən SƏBƏBLƏR  NƏDİR?  

Azərbaycan-Ermənistan münasibətlərində YENİ MƏRHƏLƏ  - Politoloq gözləntiləri AÇIQLADI 

Qurban Qurbanovun toyunu görün hansı müğənni oxuyubmuş  - AÇIQLAMA 

"Xüsusən, Bakıdan ətraf ərazilərə, rayonlara hərəkət edərkən, magistral yolun sağ və solunda sürücülər bəzən maşınlarını saxlayırdılar. Həmin dayanma nöqtəsində vətəndaş heç vaxt cərimə olunmurdu. İndi hətta Bakı şəhərinin ətrafındakı magistralların sağında və solunda kameralar quraşdırılıb. Bu həm də sürücülərin qədərindən çox-çox artıq hərəkət məhdudluğuna, manevr imkanlarının məhdudlaşdırılmasına xidmət edir. Mən düşünürəm ki, bəzi təhlükəsiz yerlərdə bu kameraların sayını azaltmaq olar. Məsələn, elə etmək olar ki, sürücü dayandıqdan 5 dəqiqə sonra cərimələr tətbiq olunsun. Bunlar hamısı avtomobil sürücülərini kifayət qədər yükləyir. İnsanlar artıq dayanma-durma, yer tapma, parklama kimi məsələlərdə kifayət qədər çətinlik çəkir. Bu mənada cərimələrin sayı kifayət qədər çoxalıb".