Bu şəxslər “kupça”nı daha tez alacaq 

Daşınmaz əmlak üzərində hüquqların dövlət qeydiyyatı üçün əsasların siyahısı genişləndirilir.

Bu, Milli Məclisin plenar iclasında müzakirə olunan Mülki Məcəllədə dəyişiklik edilməsi barədə qanun layihəsində öz əksini tapıb.

Qanun layihəsinə əsasən, təbii fəlakət, texnogen qəza və ya hərbi əməliyyat nəticəsində (işğaldan azad edilmiş ərazilər istisna olmaqla) məhv olmuş, yaxud yararsız vəziyyətə düşmüş yaşayış sahələrinin əvəzinə dövlət vəsaiti hesabına tikilmiş yaşayış evlərinə və çoxmənzilli yaşayış binalarının mənzillərinə münasibətdə həmin evlərin və mənzillərin təqdim edildiyi şəxslərin siyahısı (hər bir şəxsə təhvil verilən yaşayış evi və (və ya) mənzil dəqiq göstərilməklə), yaşayış evlərinin tikinti layihəsinin memarlıq-planlaşdırma bölməsi, çoxmənzilli yaşayış binasının tikinti layihəsinin memarlıq-planlaşdırma bölməsi və istismarına icazə daşınmaz əmlak üzərində hüquqların əmələ gəlməsinin, başqasına keçməsinin, məhdudlaşdırılmasının (yüklülüyünün) və xitam verilməsinin dövlət qeydiyyatı üçün əsas hesab olunacaq.

Əmlak məsələləri üzrə ekspert Rahim Əliyev Musavat.com-a deyib ki, bu dəyişiklik o deməkdir ki, artıq təbii fəlakət, texnogen qəza və ya hərbi əməliyyat nəticəsində dağılan və yararsız vəziyyətə düşən evlərin yerinə dövlət hesabına tikilən yeni evlərin sənədləşdirilməsi daha asan olacaq:

“Əvvəllər belə evlərin rəsmi qeydiyyata alınması üçün daha çox sənəd tələb olunurdu. İndi isə həmin yeni tikilmiş evlərin və mənzillərin təqdim edildiyi şəxslərin siyahısı, tikinti layihəsinin memarlıq-planlaşdırma hissəsi və istismarına icazə sənədi bu proses üçün yetərli olacaq. Yəni bu sənədlər təqdim olunarsa, həmin mənzilin və ya evin rəsmi çıxarışı (kupçası) veriləcək”.

Həmçinin oxuyun

Azərbaycan incəsənətinə ağır itki ÜZ VERİB: Məşhur siyasi xadimin qızı dünyasını dəyişdi  

Güclü leysan,ardınca qar yağacaq    —   ƏHALİYƏ XƏBƏRDARLIQ 

Bu ölkə də Rusiya əleyhinə ÇIXDI: Regionun taleyi sual altındadır  - POLİTOLOQLA MÜSAHİBƏ

Professor Nərgiz Paşayeva üçün özəl gün: Həyatı,ailəsi,yaradıcılığı haqqında MARAQLI FAKTLAR  

Ekspertin sözlərinə görə, məqsəd odur ki, insanlar itirdikləri evlərin əvəzində aldıqları yeni evlərin mülkiyyət sənədlərini daha tez və problemsiz ala bilsinlər:

“Bu dəyişiklik dövlət vəsaiti hesabına tikilən evlər üçün nəzərdə tutulur. Vətəndaşların əlavə sənəd toplamasına ehtiyac qalmayacaq, çünki lazım olan məlumatlar dövlət tərəfindən təqdim olunacaq”.