Bakının bəzi yollarında nəqliyyatın sıxlığı müşahidə olunur
18 Noyabr 2026, 08:32
Qaynar xətt:
(+99450) 247 90 86
CƏMİYYƏT
346
12.06.2025, 17:03
Azərbaycana bu il içində milyonlarla həşərat idxal olunub. Sözün həqiqi mənasında milyonlarla. Rəsmi məlumatlara görə, ölkəyə 8 milyon 509 mindən çox həşərat gətirilib və bu rəqəm istər adi vətəndaşlarda, istərsə də ekspertlər arasında ciddi maraq doğurub. Ən maraqlısı isə odur ki, idxalın təxminən 95 faizi Rusiyanın payına düşür. Bu "həşərat ticarəti"nə Mərakeş və Belçika da az töhfə verməyib.
Bəs bu qədər həşərat ölkəyə nə üçün gətirilib?
Məsələ ilə bağlı zooloq Barat Əhmədov bildirib ki, bu müxtəlif məqsədlərə görə istifadə oluna bilər:
"Məsələn, fermerlər üçün məhsullarını zərərvericilərdən qorumaq üçün bioloji məqsədlərə görə istifadə edə bilərlər. Digər versiya isə istixanalarda yetişdirilən bitkilərin tozlandırılması üçün istifadə oluna bilər. Tozlanma nə qədər yüksək olarsa, mayalanma da o qədər effektiv ola bilər".
Qərbi Afrika, Çin və Yaponiya kimi ölkələrdə həşəratların yemək menyusunda yer alması artıq uzun illərin təcrübəsidir.
Bəs görəsən Azərbaycanda da "həşərat mətbəxi" dövrü başlayıb?
Məsələ ilə bağlı AQTA-dan sorğumuza cavab olaraq bildirildi ki, bu faydalı həşərat və orqanizmlər elmi-tədqiqat, kənd təsərrüfatı və təbii ekosistemlərdə zərərvericilərə qarşı mübarizə aparmaq və ətraf mühitin sağlamlığının qorunması məqsədilə istifadə olunur:
"Bioloji mübarizə məqsədilə istifadə edilən bu həşəratların üstünlükləri ondan ibarətdir ki, kimyəvi mübarizədən fərqli olaraq bitkilərə qalıcı təsir göstərmir, ekoloji zərər vermir, torpağın münbitliyi qorunduğu üçün növbəti illərdə məhsuldarlıq artır. Bundan əlavə, ixrac üçün yetişdirilən məhsullarda pestisid qalığı riski sıfıra yaxın olur".
Bəs bu qədər həşaratları ölkəyə gətirən kimdir?
Sualımıza cavab olaraq Gömrük Komitəsindən bildirildi ki, məsələ kommersiya sirri olduğu üçün heç bir məlumat verilə bilməz.**Milli.Az
09:11 / 18 Noyabr 2026
1
08:32 / 18 Noyabr 2026
61
00:38 / 18 Noyabr 2026
151
23:54 / 17 Noyabr 2026
158
23:36 / 17 Noyabr 2026
161
23:10 / 17 Noyabr 2026
154
23:03 / 17 Noyabr 2026
302
22:45 / 17 Noyabr 2026
163
22:22 / 17 Noyabr 2026
151
22:08 / 17 Noyabr 2026
363
21:51 / 17 Noyabr 2026
153
21:38 / 17 Noyabr 2026
158
21:20 / 17 Noyabr 2026
156
21:11 / 17 Noyabr 2026
156
20:45 / 17 Noyabr 2026
153
20:39 / 17 Noyabr 2026
200
20:23 / 17 Noyabr 2026
172
20:12 / 17 Noyabr 2026
216
19:59 / 17 Noyabr 2026
169
19:51 / 17 Noyabr 2026
175
19:40 / 17 Noyabr 2026
326
19:39 / 17 Noyabr 2026
168
19:28 / 17 Noyabr 2026
1225
© 2026 Oxu24.com Müəllif hüquqları qorunur.