"Siluet və Güllər” – Moda və incəsənətin çiçək dilində danışan dialoqu  

Bakının tarixi nəfəsini daşıyan Daş Salnamə Muzeyində keçirilən “Siluet və Güllər” adlı tədbir, modanın incəsənətlə, incəsənətin isə güllərlə qovuşduğu unikal estetik platformaya çevrildi. Misra Production-un təşkilatçılığı, Akhad Azərbaycan və florist Yusif Xəlilovun təşəbbüsü ilə gerçəkləşən bu tədbir, iştirakçılara həm vizual, həm də emosional baxımdan yaddaqalan bir axşam bəxş etdi.

Oxu24.com  xəbər  verir    ki, gecənin əsas məqsədi florist Yusif Xəlilovun unikal əl işlərini və dizayner Lala Akhadın yeni moda kolleksiyasını təqdim etmək idi. Floristin “THE LAST HUMAN #9” adlı son işi ilk dəfə olaraq məhz bu tədbirdə Azərbaycan tamaşaçısına təqdim olundu. Həmçinin, onun məşhur brilliant buketinin replikası da ilk dəfə məhz bu məkanda sərgiləndi.

Gecədə nümayiş olunan geyimlər yalnız zərif siluetləri ilə deyil, güllərdən ilhamlanan incə işləmələri ilə də diqqət çəkdi. Hər bir model qadın zərifliyini və daxili gücünü vizual dildə ifadə edirdi. Xüsusi olaraq minlərlə təbii güldən hazırlanan florist əsərləri məkanı bir sənət qalereyasına çevirdi. Hər gül seçimi, rəng ahəngi və düzülüş ustalıqla işlənmişdi. Bu kompozisiyalar Misra Production-un incəsənətə və detala verdiyi önəmi də aydın şəkildə nümayiş etdirdi.

Tədbirin floristikasında istifadə olunan bütün güllər Azerbaijan Flowers Company tərəfindən təmin olunmuş, məkanın hər guşəsi canlı və duyğusal bir sənət əsərinə çevrilmişdi.

Podiumda nümayiş olunan kolleksiya özündə həm estetik zərifliyi, həm də emosional dərinliyi daşıyırdı. Geyimlərin hər detalı güllərlə tamamlanmış, formalar isə qadın gözəlliyini incəliklə vurğulamışdı. Tədbirin dekorasiyasında güllər yalnız aksesuar kimi deyil, konseptual ifadə vasitəsi kimi çıxış edirdi məkan poetik bir səhnəyə çevrilmişdi.

Gecəyə canlı musiqilər rəng qatdı. Keçirilən moda nümayişi isə tamaşaçılara estetik zövqün və peşəkar yanaşmanın vəhdətini yaşatdı.

Həmçinin oxuyun

Ömür boyu ehtiyac içində yaşadı,yaxınlarının dediyi kimi içki "evini yıxdı"...  Eldəniz Zeynalovun həyat hekayəti

Ağır qəza baş verib: Yaralılar var 

Tailand-Kamboca müharibəsindən maraqlı görüntülər - Silahlı  fillər sərhədə yerləşdirilib   - FOTO

Bayat çörəyi torpağa basdırın - Səbəbi 

Tədbirin baş sponsoru olan AA Food, bu mədəni layihənin yüksək səviyyədə keçirilməsinə öz dəstəyini göstərdi.

“Siluet və Güllər”  sadəcə bir moda nümayişi deyil, qadın yaradıcılığının, estetik baxışın və sənət sevgisinin təntənəsi kimi yadda qaldı.

Qeyd edək ki, Yusif Xəlilov dünyanın ən bahalı buketinin müəllifidir. Onun brilliantlarla hazırladığı buketin qiyməti isə, 1.7 milyon dollar olub.

Pərvin Şakirqızı