Bayram günü ağır qəzalar: Xeyli sayda yaralı və ölənlər var 

Azərbaycanın rayonlarında bayram günlərində ağır qəzalar baş verib.

Cəlilabadda baş verən qəzada xəsarət alanların kimliyi və vəziyyətləri məlum olub.

Oxu24.com-un  xəbərinə görə, Cəlilabad rayonunda "Ford" markalı nəqliyyat vasitəsinin kanala aşması nəticəsində 5 nəfər - 1978-ccii il təvəllüdlü Elnur İsayev, 1982-ci il təvəllüdlü Günay İsayeva, 2006-cı il təvəllüdlü Nurlanə İsayeva, 2010-cu il təvəllüdlü E.İsayeva və 1992-ci il təvəllüdlü İqbal İsayev xəsarət alıblar.

Xəstəxanadan APA-ya bildirilib ki, iyunun 7-də saat 11:00 radələrində yol-nəqliyyat hadisəsi səbəbilə xəsarət alan 5 nəfər (2-si kişi, 3-ü qadın cinsli olmaqla) Cəlilabad Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Onlara bədənin müxtəlif nayihələrinin çoxsaylı travması diaqnozu təyin edilib.

Xəsarət alan şəxslərin hazırki vəziyyətləri stabil olaraq qiymətləndirilir.

Digər qəza isə Gəncədə baş verib.

 "Mercedes", "Chevrolet" və daha iki minik avtomobili toqquşub.

Qəzada 1976-cı il təvəllüdlü A.Tağıyev xəsarət alaraq xəstəxanaya yerləşdirilib.

Avtomobillərə ziyan dəyib.

Faktla bağlı araşdırma aparılır.

***

Qaxda baş verən yol qəzasında 6 nəfər xəsarət alıb.

APA-nın Şimal-qərb bürosunun məlumatına görə, qəzada Abşeron rayon sakinləri - 1986-cı il təvəllüdlü Mehman Abdullayev, onun həyat yoldaşı Şəbnəm Abdullayeva, onların övladları - 2013-cü il təvəllüdlü İ.Abdulla və 2016-cı il təvəllüdlü Ö.Abdulla, Qaxın Turaclı kənd sakinləri 1986-cı il təvəllüdlü Şahlar Bəşirov və qardaşı 1988-ci il təvəllüdlü Yasin xəsarət alıb.

12 yaşlı A.İbrahim Qax xəstəxanasında əməliyyat olunub. Mehman Abdullayev və xəsarət alan digər övladı Zaqatala xəstəxanasına göndəriliblər.

***

Bakıda ölümlə nəticələnən yol qəzası baş verib.

Hadisə Böyük Şor gölü yaxınlığında qeydə alınıb.

Bakı Şəhər Dövlət Yol Polisi İdarəsindən APA-ya verilən məlumata görə, "Mercedes" və "Volskwagen" markalı avtomobillərin toqquşması nəticəsində 3 nəfər ölüb, bir nəfər xəsarət alıb

Faktla bağlı araşdırma aparılır.

Həmçinin oxuyun

Azərbaycanda bu sahədə  yeni mərhələ başlayır —Prezidentin təsdiqlədiyi Qanun nələri dəyişəcək?

Leysanla bağlı XƏBƏRDARLIQ

Pensiyalarla bağlı RƏSMİ AÇIQLAMA 

TƏCİLİ!Həmin şəxs tutularaq Azərbaycana gətirilir