Bu qurumun direktoru 6 min manat maaş alır - Tam siyahı
18 Noyabr 2026, 20:05
Qaynar xətt:
(+99450) 247 90 86
CƏMİYYƏT
952
13.05.2025, 19:42
Azərbaycan Nəqliyyat və Kommunikasiya Holdinqində (AZCON) 2 yeni təyinat olub.
Bu barədə AZCON-dan məlumat verilib.
Bildirilir ki, Orxan Madar oğlu Quliyev AZCON-da baş texnologiya və rəqəmsallaşma inzibatçısı - Rəqəmsal transformasiya departamentinin direktoru, Emil Alıxan oğlu Pənahov isə baş təchizat zənciri inzibatçısı - Təchizat zəncirinin idarəolunması departamentinin direktoru vəzifəsinə təyin edilib.
Orxan Quliyev 10 fevral 2024-cü ildən son təyinata qədər rəqəmsal inkişaf və nəqliyyat nazirinin müşaviri olub. O, əmək fəaliyyətinə Azərbaycan Dövlət Neft Şirkətinin (SOCAR) İnformasiya texnologiyaları və rabitə idarəsində başlayıb. 2018-2024-cü illərdə “SOCAR Caspian İnnovation Center” MMC-də çalışıb və 2022-ci ildən etibarən baş əməliyyatlar direktoru vəzifəsini icra edib. Bakı Ali Neft Məktəbinin müəllimidir. O, 2021-ci ildə keçirilmiş birinci “Yüksəliş” müsabiqəsinin qalibidir.
O.Quliyev 1989-cu ildə anadan olub. O, SOCAR-ın Xarici Təqaüd Proqramının qalibi kimi Berlin Texniki Universitetində Sənaye mühəndisliyi - proseslərin və istehsalatın avtomatlaşdırılması üzrə bakalavr və magistratura təhsili alıb.
Emil Pənahov bu təyinatadək, 2022-2025-ci illərdə, “Azərbaycan Dəmir Yolları” QSC-nin Təchizat departamentinin müdiri vəzifəsində çalışıb. O, əmək fəaliyyətinə 2004-cü ildə BP şirkətində başlayıb. 2007-2012-ci illərdə “Paşa İnşaat” şirkətində Təchizat üzrə menecer kimi çalışıb.
2012-2022-ci illərdə “North West Construction” şirkətində Təchizat zəncirinin idarəolunması departamentinin direktoru, 2017-2022-ci illərdə “North West Construction” şirkətinin idarə heyətinin üzvü və şirkətin Monteneqro üzrə ölkə direktoru kimi fəaliyyət göstərib.
E.Pənahov 1981-ci ildə anadan olub. Bakı Dövlət Universitetində Tətbiqi kimya üzrə bakalavr təhsili alıb. Avropanın təchizat üzrə ixtisaslaşmış universitetlərinin bir çox təlimlərindən keçərək sertifikatlar əldə edib.
21:09 / 18 Noyabr 2026
27
21:03 / 18 Noyabr 2026
46
20:53 / 18 Noyabr 2026
53
20:50 / 18 Noyabr 2026
52
20:45 / 18 Noyabr 2026
172
20:42 / 18 Noyabr 2026
66
20:40 / 18 Noyabr 2026
74
20:34 / 18 Noyabr 2026
75
20:28 / 18 Noyabr 2026
69
20:19 / 18 Noyabr 2026
465
20:05 / 18 Noyabr 2026
105
19:56 / 18 Noyabr 2026
108
19:41 / 18 Noyabr 2026
94
19:36 / 18 Noyabr 2026
99
19:36 / 18 Noyabr 2026
94
19:26 / 18 Noyabr 2026
108
19:19 / 18 Noyabr 2026
124
19:15 / 18 Noyabr 2026
104
19:08 / 18 Noyabr 2026
133
18:50 / 18 Noyabr 2026
110
18:45 / 18 Noyabr 2026
128
18:37 / 18 Noyabr 2026
123
18:33 / 18 Noyabr 2026
102
© 2026 Oxu24.com Müəllif hüquqları qorunur.