Qızardılmış kartofu əsla bu qidalarla yeməyin: mədənin "evini yıxır"

$Qızardılmış kartofu əsla bu qidalarla yeməyin: mədənin \"evini yıxır\"$

CƏMİYYƏT

431

13.04.2025, 09:45

Qızardılmış kartof - populyarlığına baxmayaraq, həzm üçün ən ağır yeməklərdən biridir. Əlbəttə ki, qızardılmış kartof çox dadlıdır, amma onu tez-tez yemək məsləhət görülmür. O, yalnız həzm sistemini yükləmir, eyni zamanda digər məhsullarla düzgün olmayan şəkildə birlikdə qəbul edildikdə sağlamlığa zərər vura bilər. Həkimlər və nutrisoloqlar bu yeməyə xüsusilə ehtiyatla yanaşmağı tövsiyə edir, xüsusilə də bəzi tanış inqrediyentlərlə birlikdə qəbul edildikdə.

Oxu24.com bu qidaları sizə təqdim edir:

Çörək və qızardılmış kartof: mədəyə ikiqat zərbə

Kartof özü nişasta ilə zəngindir. Ağ undan hazırlanan çörək isə karbohidratların və tez mənimsənilən nişastanın konsentratıdır. Bu ikisi eyni yeməkdə birləşdikdə, mədə daha çox və intensiv işləməli olur, daha çox mədə şirəsi ifraz edilir. Turşuluğun artması selikli qişanın qıcıqlanmasına, yanğı hissinə və bu cür qidalanma vərdişi davamlı olduqda hətta qastritə səbəb ola bilər. Bundan əlavə, bu cür birləşmələr qanda şəkərin səviyyəsinin yüksəlməsinə səbəb ola bilər, bu isə prediabet və ya insulin müqaviməti olan şəxslər üçün təhlükəlidir.

Alkoqol və kartof

İlk baxışdan, qızardılmış kartof və bir stəkan pivə klassik görünə bilər. Amma əslində bu birləşmə böyrəklərə zərbə vurur. Qızardılmış yeməklər tərkibində çox miqdarda yağ, duz və yağın istiliklə işlənməsi nəticəsində yaranan toksinlər saxlayır. Alkoqol böyrəklərə və qaraciyərə əlavə yük yaradır, yağlı yeməklərlə birlikdə qəbul edildikdə isə sidik-cinsiyyət sisteminin xroniki xəstəliklərinin kəskinləşməsi, ödem, təzyiqin yüksəlməsi və hətta iltihabi proseslərə səbəb ola bilər.

Kartof və ət: Həzm sistemi üçün çox ağır

Qızardılmış kartofla ət milyonların sevimli yeməyi olsa da, mədə üçün ciddi stress mənbəyidir. Bu yeməkdə zülallar, yağlar və mürəkkəb karbohidratlar birləşir - bunların hamısı fərqli fermentlər və həzm üçün fərqli vaxt tələb edir. Bu cür birləşmə həzm prosesini ləngidir, fermentasiya, ağırlıq, köp və yeməkdən sonra yorğunluq hissi yarada bilər. Tez-tez qəbul edildikdə bu disbakterioz və bağırsaq mikroflorasının pozulmasına səbəb ola bilər.

Qızardılmış kartof və pomidor

Pomidor tərkibindəki turşular kartofdakı nişastayla birlikdə qəbulu zamanı onu həzm üçün daha çətin hala gətirir. Bu, qidanın mənimsənilməsini çətinləşdirir və bağırsaqda parçalanmamış qalıqların yığılmasına səbəb ola bilər. Gələcəkdə bu, iltihabi proseslərə və toksinlərin yaranmasına gətirib çıxara bilər. /lent.az

Həmçinin oxuyun