Kəsmiyin FAYDALARI 

Kəsmik insan orqanizmi üçün faydalı qidalardan biri olan qatılaşmış süd məhsuludur. Onun tərkibində çoxlu mineral və mikroelementlər var.

Oxu24.com  xəbər verir ki,  kəsmik kalsium, fosfor, B12 vitamini ilə zəngindir, əzələ inkişafını, sümük sağlamlığını və enerji mübadiləsini dəstəkləyir.

Kəsmik keyfiyyətli protein tərkibi ilə əzələləri bərpa etməyə və gücləndirməyə kömək edir. Protein enerji səviyyələrini artırır, gündəlik fəaliyyətləri daha səmərəli yerinə yetirməyə imkan verir. Həmçinin toxluq hissini artıraraq çəki artımının qarşısını alır.

Bu qida sümük sağlamlığını dəstəkləyir, dişləri güclü saxlamağa kömək edir və osteoporoz kimi sümük xəstəliklərinin qarşısını alır. Böyümə çağında olan uşaqlar və yaşlılar üçün xüsusilə vacibdir.

Kəsmik probiotik xüsusiyyətlərə malik olmaqla həzm sistemini dəstəkləyir. Probiyotiklər bağırsaqda sağlam bakteriya balansını qoruyur və həzm problemlərini azaldır.

Tərkibindəki protein və qida maddələri sayəsində maddələr mübadiləsini sürətləndirir. Sürətli işləyən metabolizm bədənin enerji istehsalını artırır və çəkiyə nəzarət etməyə kömək edir. 

Həmçinin oxuyun

Emin Ağalarovun neçə yaşı oldu? - Biznesi,şəxsi həyatı,övladları...

Qaralovlara ağır itki ÜZ VERİB  

Öz adına kredit götürüb başqasına verənlərə VACİB XƏBƏR  —  Məhkəmə təhlükəsi

Bəylər  Eyyubovun general qohumu  işdən ÇIXARILDI

Kəsmik tərkibindəki antioksidantlarla hüceyrə sağlamlığını dəstəkləyir. Antioksidantlar hüceyrə zədələnməsini azaldır və sərbəst radikallarla mübarizə apararaq yaşlanma prosesini ləngidir.

Sağlam yağlarla zəngin olan kəsmik ürək sağlamlığını da dəstəkləyir. Güclü antioksidant mənbəyi olduğu üçün xərçəngdən də qoruyur.

Tərkibindəki B12 vitamini ilə beyin funksiyalarını dəstəkləyir. Bundan başqa sinir sisteminin sağlamlığını qoruyur və idrak funksiyalarını gücləndirir, zehni performansı qorumağa kömək edir.

A vitamini ilə zəngin olan kəsmik göz sağlamlığını üçün də faydalıdır. A vitamini gözlə əlaqəli problemlərin qarşısını almağa və ümumi göz sağlamlığını qorumağa yardımçı olur.

Tərkibindəki bəzi amin turşuları, xüsusilə triptofan yuxu keyfiyyətini yaxşılaşdıra bilir. Triptofan, serotonin və melatonin kimi yuxunu tənzimləyən neyrotransmitterlərin istehsalına kömək edir.