Yolda hərəkət edən qapısız ambulansla bağlı- Açıqlama - Video

Sumqayıt şəhərində qapısı olmayan təcili tibbi yardım avtomobili küçədə hərəkət edərkən görüntülənib.

Oxu24.com xəbər verir ki, bu barədə sosial şəbəkələrdə video yayılıb.

Görüntülərdən 90-JX-608 dövlət qeydiyyat nişanlı ambulansın qapısı olmadan hərəkət etdiyini görmək mümkündür.

Məsələyə aydınlıq gətirilməsi üçün TƏBİB-ə müraciət etdik. Qurumdan sorğumuza cavab olaraq bildirildi ki, sözügedən görüntülər avtomobil təmirə aparılarkən çəkilib: “Məlum video 15 yanvar tarixində Sumqayıt Təcili və Təxirəsalınmaz Tibbi Yardım Stansiyasına aid olan və xidmətdən kənarda olan sanitar avtomobil təmirə göndərilərkən çəkilib.

Məlumat üçün bildirək ki, avtomobilin qapısında nasazlıq yarandığı üçün Sumqayıt bölməsinin qarajına təmirə göndərilib və artıq təmir edilən təcili tibbi yardım avtomobili təkrar xidmətə buraxılıb”.

Həmin ambulansın son görüntüsü