Rusiyanın xarici işlər naziri Sergey Lavrov azərbaycanlı həmkarı Ceyhun Bayramova zəng edib.

Oxu24.com  xəbər verir ki, bu barədə Rusiya Xarici İşlər Nazirliyi məlumat yayıb.

Bildirilib ki, nazirlər Qazaxıstanın Aktau şəhəri yaxınlığında baş verən təyyarə qəzasını müzakirə ediblər.

“Nazirlər bu faciəli hadisənin hərtərəfli araşdırılmasının təmin edilməsinin zəruriliyi ilə bağlı prezidentlərin razılıqlarını təsdiq edərək, həlak olanların ailələrinə dərin hüznlə başsağlığı verib, xəsarət alanların tezliklə sağalmasını arzulayıblar. Tərəflər təyyarənin qəzaya uğraması ilə nəticələnən insidentin bütün səbəblərini müəyyən etməyin zəruriliyi barədə razılığa gəliblər”, - Rusiya XİN qeyd edib.