"Qəzadan sonra ona zəng etdim. 38 saniyə danışdıq. Son sözü "vəziyyətim yaxşı deyil" oldu". 

Oxu24.com  Bizim.Media-ya istinadən xəbər verir ki, təyyarə qəzasında həlak olan pilot İqor Kşnyakinin ən yaxın dostu Müzəffər Mirzəyev deyib. 

"35 ildir ki, yaxın dost idik. Çox gözəl pilot və ailə sahibidi idi. Məhləmizə elə insan heç vaxt gələ bilməz. Nəvəm zəng elədi ki, İqor əmi qəzaya düşüb. Anında zəng etdim, 12:29-da danışdıq. Sadəcə 38 saniyə danışdıq. Səsi batmışdı".

Xatırladaq ki, dekabrın 25-də Bakı-Qroznı marşrutu üzrə uçan "Embraer 190" sərnişin təyyarəsi Aktaunun hava limanından 3 km məsafədə qəzaya uğrayıb. Aktau şəhərində qəzaya uğrayan Bakı-Qroznı reysini yerinə yetirən “Embraer 190” təyyarəsində 62 sərnişin, 5 ekipaj üzvü olmaqla, ümumilikdə 67 nəfər olub. Son məlumata görə, qəza nəticəsində 26 vətəndaşımız həyatını itirib, 16 Azərbaycan vətəndaşı isə sağ qalıb.

İstintaqın ilkin nəticələrinə əsasən müəyyən edilib ki, AZAL-ın təyyarəsi Rusiyanın “Pantsir-S” hava hücumundan müdafiə sistemi tərəfindən Qroznı şəhərinə yaxınlaşarkən hücuma məruz qalıb.