"Mandarin Travel" turizm agentliyinin direktoru Ellada Kərimova böyük dələduzluqda günahlandırılsa da, keçmiş MTN polkovniki Ofeliya Mahmudovanın köməyi sayəsində ölkədən qaça bilib.

Oxu24.com  Virtualaz.org-a istinadən xəbər verir ki, "Mandarin Travel" turizm şirkətinin direktoru Ellada Kərimova onlarla vətəndaşın pullarını mənimsəməkdə ittiham olunur. Aldanan müştərilər hüquq-mühafizə orqanlarına müraciət ediblər, bundan sonra Bakı Şəhər Baş Polis İdarəsinin İstintaq Şöbəsi Xətai Rayon Məhkəməsinə Azərbaycan Respublikası Cinayət Məcəlləsinin 178.2.4 və 178.2.2-ci maddələri ilə cinayət işinin başlanılması barədə vəsatət göndərib.

Mahmudovanın əlaqələri sayəsində Ellada Kərimova və övladları Elmeddin və Tamara ölkədən qaçmağı, hətta xaricdə iş tapmağı da bacarıblar. Kərimovanın əri Ceyhun Abbasov Milli Təhlükəsizlik Nazirliyinin sabiq polkovnikinin "canlı girovu” olaraq qalıb.

Bununla yanaşı, Ellada Kərimova tərəfindən aldadılan vətəndaşlar polisə müraciət etməyə başlayıb, bundan sonra cinayət işi aktuallaşdırılaraq Bakı Şəhər Baş Polis İdarəsinə göndərilib. Ellada Kərimovanın özü də axtarışa verilib.