Bankda əmanəti olanlara ŞAD XƏBƏR: Avqustun 1-dən QƏRAR qüvvəyə minir 

Azərbaycan Mərkəzi Bankı banklarda likvidlik risklərinin daha effektiv idarə olunması məqsədilə “Banklarda likvidlik riskinin idarə edilməsi Qaydası”na dəyişiklik edib. 

Dəyişikliklər bankların likvid mövqeyinin daha güclü formalaşdırılmasına, həmçinin real iqtisadiyyatın maliyyələşdirilməsi imkanlarının qorunmasına xidmət edir. Əsas yeniliklərdən biri kimi likvidliyin örtülmə əmsalının (LCR) həm milli valyuta, həm də ümumi əsasda tətbiqi nəzərdə tutulur. Sistem əhəmiyyətli banklar üçün LCR əmsalı milli valyuta üzrə ilkin olaraq 50%-dən başlayaraq 2027-ci il iyunun 1-dək 100%-ə çatdırılmalıdır. Digər banklar üçün bu göstərici 40%-dən başlayaraq həmin ilin dekabrınadək 100%-ə qədər artırılacaq.

Maraqlıdır, likvidlik risklərinin idarə olunması ilə bağlı tələbləri sərtləşdirməsi bank sektorunu necə təsir edəcək?

Məsələ ilə bağlı beynəlxalq standartlaşdırma üzrə mütəxəssis, iqtisadçı Asif İbrahimov bağlı News24.az-a açıqlamasında bildirib ki, bu qərar ölkə bank sisteminin dayanıqlığını artırmaq baxımından mühüm addımdır:

“Bizim kimi inkişafda olan ölkələrin iqtisadiyyatlarında bank sektorunda müəyyən likvidlik riskləri mövcud olub. Likvidlik – bankın əlində olan aktivlərin dəyər itirmədən tez bir zamanda pula çevrilə bilməsi qabiliyyətidir. Əgər banklarda bu imkan zəifdirsə, sistem daxilində problemlər yarana bilər. Bu baxımdan, Mərkəzi Bankın qəbul etdiyi yeni qaydalar olduqca yerində və zamanında atılmış addımdır”.

Asif İbrahimov əlavə edib ki, likvidlik riskinin idarə olunması üzrə beynəlxalq təcrübədə bir sıra standartlar tətbiq olunur və Azərbaycan da bu istiqamətdə uyğunlaşdırılmış addımlar atır:

“Əsas məqsəd ondan ibarətdir ki, əgər hər hansı bankda problem yaranarsa, onun aktivləri bazarda tezliklə, dəyər itirmədən realizə edilə bilsin. Əmanətçilərin hüquqlarının qorunması, maliyyə sabitliyi və sistemin davamlılığı bu tip yanaşmalardan keçir. Bu baxımdan, bankların yüksək keyfiyyətli likvid aktivlər portfelini genişləndirməsi, likvidliyin örtülmə əmsalının mərhələli tətbiqi mühüm tənzimləmə alətidir".

Qeyd edək ki, yeni tələblər 2025-ci il avqustun 1-dən qüvvəyə minəcək.

Həmçinin oxuyun

Pensiyalar 9,3 faiz indeksləşdirilərək artırılıb  —  RƏSMİ AÇIQLAMA

SON DƏQİQƏ! Milli Məclis mühüm qərarlar qəbul edib 

Azərbaycan Lideri Şuşadan hansı mesajları verib? — Mötəbər tədbirin incə MƏQAMLARI

Şuşa Media Forumunda Prezidentin yanında diqqətçəkən xanım kimdir? - FOTOLAR