Qadınlarda boyun arxasında yaranan piy yığılması nədən xəbər verir? – Həkimdən AÇIQLAMA
19 Noyabr 2026, 19:30
Qaynar xətt:
(+99450) 247 90 86
TİBB
265
28.10.2026, 20:25
Heydər Əliyev Fondunun vitse-prezidenti Leyla Əliyeva oktyabrın 28-də İslam Dünyası Təhsil, Elm və Mədəniyyət Təşkilatının (ICESCO) Baş direktoru Səlim bin Məhəmməd əl-Malik ilə görüşüb.
Oxu24.com xəbər verir ki, görüşdə Heydər Əliyev Fondu ilə ICESCO arasında əməkdaşlığın perspektivləri müzakirə olunub. Fondun İslam dünyasında və digər ölkələrdə təhsil, sosial dəstək sahələrində həyata keçirdiyi layihələrə görə 2025-ci ildə “Həmdan-ICESCO” mükafatına layiq görüldüyü xatırlanıb. Eyni zamanda, Heydər Əliyev Fondunun fəaliyyəti dövründə təhsil və sosial sahələrə hər zaman önəm verdiyi qeyd olunub.
Bu baxımdan Heydər Əliyev Fondu ilə ICESCO arasında mədəniyyət, elm, təhsil və yeni texnologiyaların inkişafı sahələrində təcrübə mübadiləsini, birgə layihələrin icrasını nəzərdə tutan memorandumun, o cümlədən Burkina-Faso və Nigerin üç regionunda münaqişədən zərər çəkmiş qadınların imkanlarının genişləndirilməsi və sosial inklüzivlik istiqamətində layihələrə dair 2025-ci ildə imzalanmış sazişin əhəmiyyəti vurğulanıb.
Görüşdən sonra Heydər Əliyev Fondu ilə ICESCO arasında əməkdaşlığa dair saziş imzalanıb. Saziş bir sıra mühüm layihələrin həyata keçirilməsini nəzərdə tutur. Bu layihələrdən biri “Natəvan Mədəni İrs Mükafatı”nın (Natavan Heritage Excellence Award) növbəti təqdimatının keçirilməsi ilə bağlıdır. Heydər Əliyev Fondunun və ICESCO-nun birgə təsis etdiyi “Natəvan Mədəni İrs Mükafatı” maddi irsin qorunması və idarə edilməsi sahəsində qabaqcıl təcrübəni bölüşmək, təşviq etmək məqsədi daşıyır.
Yeni saziş üzrə əməkdaşlığın digər istiqaməti “Qərbi Afrikada mədəniyyət və inkişaf vasitəsilə sülh” adlı regional layihənin həyata keçirilməsidir. Toqo, Burkina-Faso, Niger, Benin və Kot-d’İvuarı əhatə edəcək layihə mədəniyyətlərarası dialoqun inkişaf etdirilməsi, mədəni irsin qorunması, institusional və peşəkar potensialın gücləndirilməsi, habelə gənclərin və qadınların proseslərə fəal cəlb olunmasına yönələcək.
Həmçinin 2025-ci ildə Bakıda təqdimatı olmuş İslam dünyasında süni intellekt indeksinin (AI Index) davam etdirilməsi nəzərdə tutulur. Bu istiqamətdə əldə olunan nəticələrin müzakirəsi və İslam dünyası ölkələri arasında süni intellekt sahəsində əməkdaşlığın inkişaf etdirilməsi məqsədilə nazirlər səviyyəsində görüşün keçirilməsi planlaşdırılır.
19:30 / 19 Noyabr 2026
15
19:10 / 19 Noyabr 2026
193
19:05 / 19 Noyabr 2026
58
18:55 / 19 Noyabr 2026
78
18:50 / 19 Noyabr 2026
110
18:07 / 19 Noyabr 2026
218
17:58 / 19 Noyabr 2026
103
17:50 / 19 Noyabr 2026
89
17:47 / 19 Noyabr 2026
364
17:45 / 19 Noyabr 2026
104
17:41 / 19 Noyabr 2026
94
17:34 / 19 Noyabr 2026
95
17:30 / 19 Noyabr 2026
106
17:20 / 19 Noyabr 2026
104
17:15 / 19 Noyabr 2026
105
17:01 / 19 Noyabr 2026
297
16:51 / 19 Noyabr 2026
381
16:50 / 19 Noyabr 2026
142
16:48 / 19 Noyabr 2026
110
16:35 / 19 Noyabr 2026
127
16:29 / 19 Noyabr 2026
121
16:24 / 19 Noyabr 2026
126
16:18 / 19 Noyabr 2026
143
© 2026 Oxu24.com Müəllif hüquqları qorunur.