Arıqlama iynəsi TƏHLÜKƏLİDİR?   —  Həkim AÇIQLADI

Bir iynə ilə arıqlamaq...Reallıq, risk, yoxsa reklam?

Bir vaxtlar sosial şəbəkələr və reklamlar detoks çayı, yağ yandıran qəhvə kimi məhsullarla dolu idi. Bu vasitələr çox vaxt su itkisi və ya iştahanın müvəqqəti azalması hesabına nəticə göstərirdi. Son zamanlar arıqlama üsullarındakı “trend”lər də dəyişib. Dünənə qədər “möcüzəvi” çaylar və kofelər ön planda idisə, bu gün diqqət mərkəzində arıqlama iynələri dayanır.

Sosial media səhifələrində hər gün gördüyümüz ideal bədən quruluşu bəzilərini daha asan yola sürükləyir. Bir iynəyə, bir ümidə, bir illuziyaya. Və bu illuziyanın ortasında artıq bədənimizin təbii dilini unudub, onu süni ritmə - kənar maddənin iradəsinə təslim edirik. Amma hər asan yolun gizli bir bədəl var...

Maraqlıdır, arıqlama iynələrinin qəbulundan sonra çəki geri qayıdırmı? Bu preparatların nə kimi ziyanları ola bilər?

Sualımızı cavablandıran endokrinoloq Kəmalə Gözəlova Oxu24.com-a açıqlamasında bildirib ki, bu iynələr əslində bağırsaqlarda təbii şəkildə ifraz olunan "peptid 1" hormununun sintetik analoqlarıdır:

Həmçinin oxuyun

Gecə saatlarında güclü YANĞIN - Hadisə yerindən VİDEO

Putinin dostu və tələbə yoldaşı olan AZƏRBAYCANLI KİMDİR?  

Azərbaycan üçün ŞAD XƏBƏR:  Günlük 20 milyon dollar gəlir   —  Ekspertdən önəmli AÇIQLAMA 

İrana zərbə: ermənilər də ilk itkilərini verdilər 

"Bu preparatlar beyində toxluq siqnalını gücləndirərək iştahanı və qida qəbulunu azaldır. İynələrinə əks göstərişləri də var. Bunlardan qalxanabənzər vəzin medulyar xərçəngi, eyni zamanda öd daşının yaranmasını xüsusilə qeyd edə bilər. Bu preparatlar mədə boşalmasını ləngidir, yəni mədənin qidadan bağırsağa keçmə sürətini azaldaraq  uzunmüddətli doyma hissi yaradır. Beləliklə, insan çəki verməyə başlayır. Bu iynələr yalnız çəki vermək üçün deyil, ürək qan damar sistemi, böyrək xəstəlikləri, qaraciyər xəstəliklərindən belə faydalı ola bilər. Lakin iynələrin həkim təyinatı və nəzarəti olmadan qəbulu ciddi fəsadlara yol açır".

Həkim qeyd edib ki, həyat tərzi dəyişmədən yalnız iynəyə güvənmək uzunmüddətli həll yolu deyil, sadəcə müvəqqəti nəticə verir:

"Arıqlama iynəsinin istifadəsindən sonra insanlar 10-15 kq hətta daha çox çəki atırlar. Bəs bu preparatların qəbulu dayandırıldıqdan sonra? Bir çox hallarda verilən kilolar artıqlaması il geri gəlir. Arıqlama iynəsi mütləq həkim təyinatı ilə vurulmalıdır və paralel olaraq dietoloq nəzarətində olmalıdır ki, xəstənin qidalanma rejimi tənzimlənsin, onda əzələ itkisi olmasın. Çünki əzələ itkisi təhlükəli haldır. Arıqlama iynələrinin istifadəsi dayandırıldıqdan sonra da xəstə düzgün qidalanma ilə həyatına davam etməlidir ki, itirilən çəkilər artıqlaması ilə geri gəlməsin".

Hazırladı: Yeganə