Xolesterin dərmanları içənlərə həkimdən VACİB MƏSLƏHƏT: BUNU MÜTLƏQ EDİN!

Tez-tez xəstələrdən xolesterin dərmanlarının qaraciyərə zərərli olduğu və ümumiyyətlə bədən üçün təhlükəli olduğu barədə yanlış məlumatlar eşidilir. Mütəxəssislər isə bildirirlər ki, bu fikirlər tamamilə yanlışdır və xolesterin dərmanlarının düzgün istifadəsi ürək-damar sağlamlığı üçün həyati əhəmiyyət kəsb edir.

Həkim Günay Rəhimova Oxu24.com-a  verdiyi açıqlamada xolesterin dərmanlarının əhəmiyyətindən danışıb.

“Xolesterin dərmanlarının qaraciyərə və bədənə zərəri olduğu barədə məlumatlar tamamilə yanlışdır. Əksinə, xolesterin dərmanı qəbul edən insanlar infarkt riskinə ən az məruz qalan şəxslərdir. Düzgün istifadə edilən xolesterin dərmanı qaraciyəri zədələmir və piylənməyə səbəb olmur,” – deyə Günay Rəhimova bildirib.

Həkim xolesterin dərmanlarının hansı hallarda içilməli olduğunu da izah edib:

Sadə dildə desək, xolesterinin hər hansı növü, xüsusilə “pis xolesterin” və ya triqliseridlər yüksək olan insanlarda dərman qəbul edilməsi zəruridir. Məqsəd, bu göstəriciləri müəyyən normanın altına salmaqdır. Beynəlxalq normativlərə görə, infarkt keçirməyən, ürəyində stent olmayan və aorta-koronar şuntlama əməliyyatı keçirməmiş, amma xolesterini yüksək olan insanlar üçün müəyyən limitlər müəyyən edilib. Ürəyində stent olan, infarkt keçirmiş və ya əməliyyat olmuş şəxslər üçün isə normativlər fərqlidir. Bu rəqəmlərə riayət etdikdə infarkt və insult riskimiz ciddi şəkildə azalır,” – deyə həkim vurğulayıb.

Günay Rəhimova xolesterin dərmanının qəbul müddəti ilə bağlı da aydınlıq gətirib:

"Xolesterin dərmanı ömür boyu qəbul edilməlidir. Düşünün ki, dərmanı içdiniz və xolesterininiz normaya düşdü; bu, sağaldım demək deyil. Həmişə qəbul edilməlidir. Necə ki, şəkər xəstələri şəkər dərmanını, təzyiq xəstələri isə təzyiq dərmanını davamlı istifadə edir, xolesterin dərmanı da eyni qaydada ömürlük qəbul edilməlidir”,-deyə həkim bildirib.

Hazırladı: Nigarxanım

Həmçinin oxuyun

Qəbrinə yazılmış söz aranı qatdı – Nəhayət, gerçək bilindi

Kinematoqrafçılar İttifaqının sədri postuna namizədlər bilinib

Prezident İlham Əliyev sakinlərlə görüşdə nə deyib?   —  TAM MƏTN

Almaniya Trampı yola gətirməyə çalışır