“Nənəmin resepti" sizi şikəst edə bilər—DİQQƏT

$“Nənəmin resepti\" sizi şikəst edə bilər—DİQQƏT  $

TİBB

610

19.01.2026, 20:28

Bir çox hallarda xəstələr həkimə müraciət etmək əvəzinə, babadan-nənədən qalma "reseptlərə" üz tuturlar. Lakin unudurlar ki, elmi əsası olmayan hər bir addım infeksiyanın qana keçməsinə və ya ətrafların itirilməsinə səbəb ola bilər.

Bəziləri yaralarının üstünə keçi südü çəkir, bəziləri yaralı ayağın üstünə zəli qoyurlar.

Təsəvvür edin: İltihablı, qızarmış və açıq yaraları olan bir ayaq...

Oxu24.com xəbər verir ki, belə bir vəziyyətdə yaranın üzərinə keçi südü çəkmək və ya zəli qoymaq intihara bərabərdir!

* Keçi südü və yağlar: Açıq yaranın üzərinə çəkilən süd və ya yağ qatı orada "istixana effekti" yaradır və bakteriyaların sürətlə çoxalması üçün ideal şərait qurur.

* Zəli təhlükəsi: İltihablı nahiyəyə zəli qoymaq, onsuz da zədələnmiş toxumaya əlavə infeksiya daşımaq deməkdir. Zəlinin dişlədiyi yerdən orqanizmə daxil olan yad bakteriyalar vəziyyəti daha da ağırlaşdıraraq qan zəhərlənməsinə yol aça bilər.

Xalq arasında "Qızıl yel" (Erizipel) xəstəliyinə qarşı qırmızı parça bağlamaq və ya qırmızı sap dolamaq kimi qəribə inanclar da var.

Heç bir heyvanın südü, yağı və ya hər hansı rəngli parça Qızıl yeli sağalda bilməz. Bu, elmi cəhətdən qeyri-mümkündür.

Bundan əlavə, insanlar bəzən öskürək, soyuqdəymə və ya boğaz ağrısı üçün bal, soğan və ya qarışıq otlarla özbaşına müalicə etməyə çalışırlar. Unutmaq lazım deyil ki:

•Bəzi bitki və təbii vasitələr allergik reaksiyalara səbəb ola bilər.

•Doz düzgün seçilmədikdə, dərmanlar və bitki qarışıqları orqanizm üçün zərərli ola bilər.

•Xroniki xəstəlikləri olan şəxslərdə özbaşına müalicə ağır fəsadlara səbəb ola bilər.

Həmçinin, antibiotiklərin özbaşına istifadəsi çox təhlükəlidir. Bəzən insanlar soyuqdəymə və ya qrip kimi viral xəstəliklərdə antibiotik qəbul edirlər, lakin antibiotiklər yalnız bakterial infeksiyalar üçün təsirlidir. Nəticədə:

•Bakteriyalar dərmana qarşı davamlı olur

•Xəstəlik uzun sürür

•Sağlamlıq ciddi risk altına düşür

Unutmayın: Özbaşına müalicə vaxt itkisidir. Vaxt itkisi isə Qızıl yel kimi xəstəliklərdə ağır fəsadlara yol açır. Sağlamlığınızı təsadüflərə deyil, mütəxəssislərə etibar edin!

Çimnaz Telmanqızı

Həmçinin oxuyun