“Əsəbdən qol tutulması” bu xəstəliyin əlaməti imiş

Həyat sürətlənir, stres artır, qidalanma və həyat tərzi dəyişir. İnsanlar hər gün bir çox əlamətləri gözardı edir, “əsəbdən belə oldu” deyərək özünü sakitləşdirməyə çalışır. Lakin bəzi hallarda cüzi simptomlar – bir qolu yaxşı işləməməsi, danışıqda qısa fasilələr, görmədə dəyişikliklər – ciddi xəstəliklərin xəbərçisi ola bilər. Bu əlamətləri laqeyd yanaşmaq isə geri dönməz nəticələrə səbəb ola bilər.

Son dövrlərdə həkimlər cavan yaşlarda insult və infarkt hallarının artdığına diqqət çəkir. Bu kəskin qan dövranı pozuntularının əsas səbəbləri tromblaşma, emboliya, yüksək xolesterin və digər risk faktorlarıdır. Lakin ağır insult və infarkt baş verməmişdən əvvəl insanlarda xəbərdaredici əlamətlər – TSIA (tranzitor işemik ataklar) ortaya çıxır.

TSIA beyinə qan axınının qısa müddətli pozulması nəticəsində yaranır və əlamətləri 24 saat ərzində keçib gedir. Bunlar aşağıdakılardır:

Üzün bir yarısında keyləşmə və hissiyatın dəyişməsi

Nitqdə pozulma, dizartriya (danışıqda dilin “topuq vurması”), sözləri yadına sala bilməmək

Bədənin bir tərəfinin zəifləməsi – qol və ayaqlarda güc azalması

Halsızlıq və ümumi zəiflik

Bu simptomlar bir neçə saatdan bir günədək davam edə bilər. Çox insan bunları “əsəbdən qol tutulması” kimi dəyərləndirir, lakin mütəxəssislər bildirir ki, əsəbdən qol tutulmaz – bu, insult və infarktın erkən xəbərdaredici əlamətidir.

Həkimlər vurğulayır ki, belə əlamətlər hiss edilən kimi nevroloqa müraciət etmək həyati əhəmiyyət daşıyır. Müayinə və laborator analizlər vasitəsilə TSIA-nın ilkin əlamətləri müəyyən edilə, vaxtında müdaxilə ilə tromblaşma, emboliya, ürək xəstəlikləri, şəkər və yüksək təzyiq kimi risk faktorları nəzarət altına alınaraq gələcək böyük insultların qarşısı alınır.

Odur ki, əgər qısa müddətli zəiflik, keyləşmə, danışıqda çətinlik və ya görmədə dəyişiklik hiss edirsinizsə, bunu laqeyd yanaşmayın – vaxtında həkimə müraciət həyatınızı xilas edə bilər.

Həmçinin oxuyun

Mayası xəyanət olan Kadırovlar: Çeçen savaşından Kremlin qucağına qədər   

4 erməni məhbus buna görə qaytarılıb - Səbəb açıqlandı

Əzələ əriməsi ciddi simptomdur – Həkim RƏYİ   

Maaşların verilmə müddəti dəyişdirildi - YENİ QAYDA 

Turan