Əzələ əriməsi ciddi simptomdur – Həkim RƏYİ

TİBB

1440

17.01.2026, 15:50

Son zamanlar əzələlərdə ərimə və zəifləmə halları ilə bağlı müraciətlər artır. Həkimlər xəbərdarlıq edir ki, bu simptom – əzələ atrofiyası – ciddi sağlamlıq probleminin göstəricisi ola bilər. Vaxtında tədbir görməmək geri dönməz zədələnmələrə yol aça bilər.

Mövzu ilə bağlı Oxu24.com-a danışan nevroloq Röyanə Quluzadə bildirib ki, əzələlərin əriməsi və zəifləməsini, yəni əzələ atrofiyasını, ciddi simptom hesab edilir.

Bu vəziyyət vaxtında müalicə olunmadıqda geri dönməz zədələnmələrə səbəb ola bilər.

Həkimin sözlərinə görə,əzələ atrofiyasının əsas səbəblərindən biri həmin əzələni qidalandıran sinirlərin zədələnməsi və ölməsidir. Bu vəziyyət müxtəlif səbəblərdən yarana bilər.

Həkim Azərbaycanda və dünyada ən çox rastlanan səbəblər arasında ağır şəkərli diabeti qeyd edir. Diabet sinirlərə zərər verərək tədricən əzələlərin əriməsinə səbəb olur.

"Digər vacib səbəb isə gecikdirilmiş tunel sindromlarıdır. Dirsək, bilək və çiyində sinir sıxışması zamanı xəstələr həkimə müraciət etmədikdə və yalnız ağrıkəsici qəbul etdikdə sinirlər zədələnir, nəticədə həmin sinirlərin qidalandırdığı əzələlər arıqlayır. Bu proses bəzən geri dönməz olur və əl, qol kimi əzələlər ciddi şəkildə zəifləyə bilər.

Həmçinin əzələ əriməsinin degenerativ xəstəliklər nəticəsində yarana biləcəyini bilir.Xüsusilə ALS xəstəliyi zamanı onurğa beyni sinirləri tədricən ölməyə başlayır və pasientdə aşağıdan yuxarıya doğru əzələlərin zəifləməsi və hərəkət itməsi müşahidə olunur.

Əzələ əriməsi əlamətləri hiss edilən kimi vaxtında nevroloqa müraciət etmək həyati əhəmiyyət daşıyır. Erkən mərhələdə düzgün diaqnostika və müalicə prosesi əzələ zədələnməsinin qarşısını almağa və vəziyyəti ləngitməyə imkan verir",-deyə nevroloq qeyd edib.

Turan

Həmçinin oxuyun