Mehdiyev işində ŞOK Qarabağ detalı: Hansı nazirlərlə əlbir olub? – SİYAHI 

Prezident Administrasiyasının sabiq rəhbəri, Təhlükəsizlik Şurasının üzvü Ramiz Mehdiyevin hakimiyyəti ələ keçirməyə yönəlik əməlləri ilə bağlı açıqlanan detallar ölkədə rezonans doğurub.

Məlumata görə, Ramiz Mehdiyev Rusiyanın dəstəyi ilə dövlət çevrilişi etmək üçün plan hazırlayıb və bunu öz kanalları vasitəsilə Moskvaya təklif edib. Plana əsasən, hakimiyyətin zorla ələ keçirilməsindən sonra Mehdiyevin rəhbərliyi altında Dövlət Şurası formatında mexanizm yaradılacaqmış. Hətta bu qurumda təmsil olunacaq şəxslərin məlumatları da Rusiya ilə paylaşılıb, yəni belə demək mümkünsə, Mehdiyev öz “kabinetini” formalaşdırıb.

Sözügedən siyahıda kimlərin adı ola bilər?

Globalinfo.az-a danışan politoloq Oqtay Qasımov deyib ki, Ramiz Mehdiyevin işi üzrə aparılan tədqiqat dar çərçivə ilə məhdudlaşmayacaq:

“Artıq istintaqın ilkin mərhələsində yayılan məlumatlar onu göstərir ki, 87 yaşlı bu şəxs hakimiyyətdən kənarlaşdırılsa da, ona lazımından çox ehtiram, hörmət göstərilib. Hətta təqaüdə göndərilsə belə, iddialarından əl çəkməyib. Yaşına rəğmən dövlət işlərinə qarışıb, idarə etmək niyyətində olub. Ötən ilin 25 dekabrında AZAL-ın təyyarəsinin qəzaya uğramasından sonra Azərbaycanla Rusiya arasındakı yaranan gərginlikdən faydalanaraq Moskvaya növbəti dəfə öz xidmətini təqdim etməyə çalışıb.

Azərbaycan cəmiyyəti onsuz da bilirdi ki, Rusiyanın ölkəmizdə 5-ci kolonun əsas aparıcı şəxsi Ramiz Mehdiyevdir. Hakimiyyətdə uzun müddət təmsil edilmək, bir çox dövlət strukturlarına xeyli sayda adam yerləşdirmək və biznes imperiyası qurmaqla dövləti idarə etməyə cəhd göstərib.Məhz onun hakimiyyətdə təmsil edildiyi dövrdə Azərbaycanın öz ərazilərini işğaldan azad etməsi ilə bağlı problemlər mövcud olub. Eyni zamanda ordu rəhbərliyində Ramiz Mehdiyevlə əlaqəli, Rusiyaya yaxın çox sayda hərbçi bu prosesə əngəl yaradırdılar”.

Həmçinin oxuyun

Nazirliyinin idarə rəisi vəzifəsindən azad edildi - FOTO 

Hava xəbərdarlığı: Bu gecədən etibarən...

İranda getdikdə gərginləşən VƏZİYYƏT: Azərbaycana  qaçqın axını gözlənilirmi?  —  Politoloqla MÜZAKİRƏ

Pensiya yaşı azaldılır? - Rəsmi cavab 

Politoloq bildirib ki, Ramiz Mehdiyevin siyahısında kimlərin olmasına dair müxtəlif təxminlər var:

“Bizim də fərqli versiyalarımız var, amma hansısa şəxsin adını istintaq araşdırması olmadan çəkməyi doğru hesab etmirəm. Müxtəlif versiyalar mövcuddur. Məsələn,  Azərbaycan Silahlı Qüvvələrinin sabiq Baş Qərargah rəisi Nəcməddin Sadıqov, Azərbaycanın keçmiş milli təhlükəsizlik naziri Eldar Mahmudov və sabiq səhiyyə naziri Əli İnsanov kimi şəxslərin adları bu məsələdə hallansa da, nəzərə almaq lazımdır ki, “günahsızlıq prezumpsiyası” prinsipi mövcuddur. Həqiqətən də müxtəlif adların hallandırılması istintaqın gedişinə müəyyən kölgə sala bilər. Bu məsələyə yalnız adı çəkilən şəxslərlə deyil, daha geniş spektrdə baxmaq lazımdır. Keçmiş nazirlər, deputatlar, bu gün belə vəzifədə olan bir çox şəxslər ola bilər. Yenə də bu sualların dəqiq cavabı istintaq nəticəsində müəyyən ediləcək”.

Turan Rzayev