"Bakıda çirklənmə var, amma Tehranda, Təl Əvivdəki qədər yüksək deyil "  

Ötən ilin avqustundan başlayaraq Bakıda havanın çirklənməsi ilə bağlı mütəxəssislər  fikirlər söyləyirlər. Bu çirklənmə adi gözlə də  hiss olunacaq dərəcədədir.  Hətta ötən il  Ətraf Mühitin Çirklənməsinin Monitorinq Qrupunun baş mühəndisi Rəna Allahverdiyeva bildirdi ki, havada tozun miqdarı normadan 1.5 dəfə artıqdır. Bir şözlə, Bakının havası yenə "ürəyəyatımlı" deyil.

Mövu ilə bağlı Oxu24.com-un suallarını  “Biosfer” İctimai Birliyinin sədri, ekoloq Qorxmaz İbrahimli cavablandırıb. 

-Bakıdakı bu çirklənmə nədən qaynaqlanır? 

- Əvvəlcə onu vurğulayım ki, Bakı şəhəri dünyanın ən çirkli şəhərlərindən deyil. Qətiyyən belə  bir fikirlə razılaşa bilmərəm. Bakı şəhəri zamanında ən çirkli  şəhər olub. Ümumiyyətlə,  yaşanası mümkün olmayıb. Qaraşəhər bu ərazidədir, neft və sənaye çirklənməsi  çox olubdur. Son dövrlər bunlar azalıb. Bakıda siz düşündüyünüz qədər acınacaqlı hal yoxdur.

Həmçinin oxuyun

Azərbaycanda bu şəxslərin maaşları ARTIRILIR 

SON DƏQİQƏ! Tehran vuruldu: Xeyli sayda həlak olan var

SON DƏQİQƏ! Ağır qəza: Xeyli sayda yaralı var

Dəvənin hürgücündə görün nə TOPLANIRMIŞ -MARAQLI FAKT

-Mən bu fikri özümdən demirəm,  havanın keyfiyyətini qiymətləndirən İsveçrənin "IQAir" şirkətinin bugünkü məlumatlarına istinadən deyirəm.

- Bakıda çirklənmə hər halda Tehran qədər, Təl-Əviv, İstanbul, Moskva , Nyü-York, London və sair  böyük şəhərlərdəki qədər də deyil. Bəli, Bakının  özünə görə çirklənməsi var. Nəqliyyatdan çirklənmə var. Çünki paytaxtda avtomobil çoxdur , bu da havaya çox miqdarda qaz buraxılmasında, havanın çirklənməsində  rol oynayır. Bir də nəqliyyat yollarındakı  tıxacların yaratdığı sıxıntılar var ki, bu həm havanın çirklənməsinə, həm də insanların əsəb, sinir sisteminin   pozulmasına səbəb olur. 

Üstəlik çirklənməyə səbəb olan məqamlardan biri də nə yazıq ki,  həm tikintilərdən,  həm də daş karxanalarından ortaya çıxan çirklənmələrdir. Qaradağ, Güzdək və bir sıra daş karxanalarını ekoloji təmiz vəziyyətə gətirmək lazımdır.  Bu tip fəaliyyətlər zamanı təbii ki, ekoloji və tikinti qaydaların pozulması çirklənməyə, şəhərin toz-dumana bürünməsinə səbəb olur. Yəqin ki, bir zaman bunlar  yoluna düşəcək.

- Bəs, necə, hansı üsulla tikinti və karxanaların havanı çirkləndirməsinə mane olmaq olar, bunun qarşısını, ümumiyyətlə,  almaq mümkündürmü? 

-Çirkləndirməni ortadan qaldırmaq üçün birinci növbədə Bakı şəhərində yaşıllıq ərazilər genişləndirilməlidir . Yeni tikilən binaların hamısının ətrafında yaşıllıq ərazilər mütləq şəkildə olmalıdır. Səhra tipli ərazilərdə  meşə zolaqları salınmalıdır. Dəniz sahillərinə (dəniz geri çəkilməyə başlayıb və  bu ərazilər də yaşıllaşdırılmadır) şoranlaşma və  səhralaşma təsirinə məruz qalmasın, təbiətə əlavə  zərər dəyməsin deyə quraqlığa davamlı  bitkilər, ağac və kollar əkilməlidir. Əgər Bakı yaşıl şəhər olarsa, tikintinin, daş karxanalarının  şəhərə böyük  zərəri,  təsiri yaranmaz.

 Söhbətləşdi: Əntiqə Rəşid