Azərbaycanda yüksək vəzifədə çalışan Yuliya xanım kimdir? – DOSYE

CƏMİYYƏT

1245

12.02.2026, 23:21

Oxu24.com yüksək vəzifə tutan uğurlu xanımlarla bağlı yazılarını davam etdirir.

Azərbaycanda yüksək vəzifədə çalışan peşəkar xanım rəhbərlərdən biri də Yuliya Pasternakdır.

Maliyyə və idarəetmə sahəsində uzun illərin təcrübəsinə malik olan Yuliya Pasternak hazırda “İçərişəhər” Dövlət Tarix-Memarlıq Qoruğu İdarəsində aparat rəhbəri vəzifəsində çalışır.

Yuliya Pasternak Bakı şəhərində anadan olub. Ali təhsilinin bakalavr pilləsini Bakı Dövlət Universitetində İnzibati idarəetmə ixtisası üzrə başa vurub. Daha sonra magistr təhsilini Maliyyə menecmenti ixtisası üzrə tamamlayaraq maliyyə idarəçiliyi sahəsində ixtisaslaşıb.

Əmək fəaliyyətinə 2009-cu ildə başlayan Yuliya Pasternak 11 il ərzində ölkənin bank sektorunda maliyyə və mühasibatlıq istiqamətində müxtəlif rəhbər vəzifələrdə çalışıb.

Bu müddət ərzində strateji maliyyə planlaşdırılması, büdcə nəzarəti, maliyyə hesabatlılığı və risklərin idarə olunması sahələrində ciddi təcrübə qazanıb.

Həmçinin oxuyun

Kərtənkələ ilanı görün nə hala saldı — Heyvanların döyüş VİDEOSU

FHN əhaliyə xəbərdarlıq etdi:Leysan,qar olacaq

Azərbaycanda pensiya yaşını keçən icra başçıları - SİYAHI

Bu rayondan acı xəbər gəldi: Qardaşlar həyatını itirdilər

2020–2025-ci illərdə Əmək və Əhalinin Sosial Müdafiəsi Nazirliyi yanında Dövlət Məşğulluq Agentliyinin Maliyyə departamentinə rəhbərlik edib. Həmin dövrdə dövlət qurumunda maliyyə intizamının gücləndirilməsi və büdcə idarəçiliyinin təkmilləşdirilməsi istiqamətində fəaliyyət göstərib.

Daha sonra “İçərişəhər” Dövlət Tarix-Memarlıq Qoruğu İdarəsində Maliyyə şöbəsinin müdiri vəzifəsində çalışıb. Ötən il isə Yuliya Pasternak həmin quruma aparat rəhbəri təyin olunub.

Peşəkar maliyyəçi və idarəçi kimi tanınan Yuliya Pasternak hazırda tarixi irs obyektinin idarə olunmasında inzibati və maliyyə proseslərinin koordinasiyasına rəhbərlik edir.

Hazırladı: Nərmin Balacayeva