Atasını "Asan Xidmət"də qoyub qaçdı -Bu qadını tapana pul veriləcək

  Bakıda professorun qızı itkin düşüb, onu tapana mükafat vəd olunub.

Oxu24.com -un ONA-nın məlumatına görə, hadisə ötən gün günorta saatlarında qeydə alınıb. 38 yaşlı Hacıyeva Röya Vaqif qızı günorta saatlarında atası Vaqif Hacıyevlə birlikdə Həsən Əliyev küçəsində yerləşən ASAN xidmətin inzibati binasına daxil olublar. Daha sonra qız oradan çıxaraq naməlum istiqamətə gedib. İtkin düşən xanımın atası Vaqif Hacıyev ONA-ya bildirib ki, R.Hacıyeva ruhi-əsəb xəstəsidir. Atası onu bu gün Türkiyəyə müalicəyə aparacaqdı. Bunun üçün də ASAN xidmətdə sənədlərini qaydasına salırmış. R.Hacıyeva Rusiya Federasiyasının vətəndaşıdır. Onu görənlərdən və ya tanıyanlardan xahiş olunur ki, 050 389 13 39 mobil nömrəsinə məlumat versinlər. R.Hacıyevanı tapana mükafat vəd edilib. R.Hacıyevanın itkin düşməsi ilə bağlı Nərimanov Rayon Polis İdarəsinin 16-cı Polis Bölməsinə məlumat verilib. Qeyd edək ki, Vaqif Hacıyev Moskva Dövlət Universitetinin proffesorudur. Həmçinin oxu:  Sumqayıtda faciə!5 nəfərin meyiti tanınmaz hala düşdü-DƏHŞƏTLİ VİDEO