Tarlada tonlarla məhsul məhv olur, bazarda qiymətlər rekord qırır - Kimdir günahkar?

İQTİSADİYYAT

110

22.05.2026, 18:31

Azərbaycanda kənd təsərrüfatı məhsullarının qiyməti bazarlarda rekord həddə yüksəlsə də, fermerlərin bir çoxu məhsulunu sata bilmədiyi üçün tonlarla meyvə-tərəvəzin tarlalarda çürüdüyünü bildirir. Xüsusilə, yay mövsümündə məhsul bolluğuna baxmayaraq həm istehlakçının baha qiymətdən şikayət etməsi, həm də kəndlinin ziyana düşməsi ciddi suallar doğurur. Bəs kəndlinin məhsulu alıcısız qalıb məhv olursa, bazarda qiymətlər niyə ucuzlaşmır? Bu ziddiyyətin əsas məsuliyyəti kimlərin üzərinə düşür?

Oxu24.com mövzu ilə bağlı KONKRET.az-a açıqlama verən iqtisadçı Eyyub Kərimli bildirib ki, bu problemin yaranmasının bir neçə əsas səbəbi var.

Onun sözlərinə görə, fermerlərin məhsullarını birbaşa şəkildə şəbəkə marketlərinə və iri satış məntəqələrinə çıxarmaqda ciddi çətinlikləri mövcuddur:

“Bəzən onların məhsulları marketlərin tələblərinə cavab vermir. Bəzi hallarda isə istehsal həddindən artıq çox olur və təklif tələbi üstələyir.

Vasitəçilər fermerdən məhsulu çox ucuz qiymətə alırlar. Daha sonra nəqliyyat, daşınma və saxlanma xərclərini əlavə edərək məhsulu şəhərlərdə daha baha qiymətə satışa çıxarırlar. Bu da bazarda qiymətlərin süni şəkildə bahalaşmasına səbəb olur”.

Ekspertin fikrincə, soyuq anbar çatışmazlığı da kəndlinin əsas problemlərindən biridir:

“Bu gün meyvə və tərəvəzlərin soyuq anbarlarda saxlanılması ilə bağlı ciddi problemlər var. Məhsul düzgün şəraitdə saxlanılmadığı üçün həm itki artır, həm də qiymətlər bahalaşır.

Artıq şəbəkə marketlərinin sayı ənənəvi bazarlardan daha çoxdur. Bu da onların qiymətləri müəyyənləşdirməkdə üstün mövqe qazanmasına şərait yaradır”.

Həmçinin oxuyun