Azərbaycanda qızıl bahalaşıb 

"Regionda baş verən hadisələr və artan geosiyasi gərginlik fonunda qızıl ənənəvi olaraq daha etibarlı investisiya vasitəsi kimi ön plana çıxır. Belə dövrlərdə investorlar riskli alətlərdən daha sabit hesab olunan aktivlərə yönəldikləri üçün qızıla tələbat artır və bu da dünya bazarlarında qiymətlərə yüksəliş təzyiqi yaradır. Hazırda bazarda bahalaşma meyli ilə yanaşı, qiymətlərdə kəskin dəyişkənlik də müşahidə olunur".

 Oxu24.com xəbər verir ki  bunu Metbuat.az-a açıqlamasında “Qiymətli metallar və qiymətli daşlar” üzrə Texniki Komitənin sədri, Azərbaycan Zərgərlər Assosiasiyası İdarə Heyətinin sədrinin müavini Rövşən Əmircanov bildirib.

O qeyd edib ki, son günlər beynəlxalq bazarlarda qızılın qiymətində ciddi dalğalanmalar görünür:

  "Bu onu göstərir ki, bazarda ümumi istiqamət yüksək qiymət mühitinin qorunması olsa da, artım sabit və düzxətli şəkildə getmir. Qiymətlər həm geosiyasi xəbərlərə, həm də qlobal maliyyə bazarlarındakı dəyişikliklərə çox həssas reaksiya verir. Xüsusilə dolların məzənnəsi, beynəlxalq inflyasiya gözləntiləri, aparıcı mərkəzi bankların faiz siyasəti və investor davranışı qızılın qiymətinə birbaşa təsir edən əsas amillər sırasındadır. Azərbaycan bazarında da qızılın qiyməti əsasən beynəlxalq birja qiymətləri, valyuta məzənnəsi, logistika xərcləri, idxal şərtləri, eləcə də məmulatın əyarı, çəkisi və emal xüsusiyyətləri əsasında formalaşır. Bu səbəbdən qlobal bazarda baş verən dəyişikliklər daxili bazarda da müəyyən gecikmə ilə özünü göstərir. Əgər beynəlxalq bazarda bahalaşma meyli davam edərsə, bu tendensiyanın yerli bazarda da hiss olunması qaçılmazdır. Bununla yanaşı, son satış qiymətlərinə yalnız xammalın dəyəri deyil, həm də istehsal, emal və ticarət marjası təsir göstərir".

R.Əmircanovun sözlərinə görə, hazırkı şəraitdə qızıl bazarında bahalaşma meyli müşahidə olunur. Lakin bu artım bəzən qısa müddətli eniş və yüksəlişlərlə müşayiət edildiyindən bazarda dalğalanma da yüksək olaraq qalır. Yəni hazırda həm bahalaşma, həm də volatillik paralel şəkildə müşahidə edilir.

Həmçinin oxuyun

TƏCİLİ! Prezident onların səlahiyyətini artırdı — FƏRMAN

Prezident mühüm Fərman İMZALADI: Sentyabrın 1-dən qüvvəyə minir

SON DƏQİQƏ!Məhkəmə Afət Fərmanqızı barədə QƏRAR VERDİ  

Azərbaycanda bu qadağan edilir? — Ekpertlər detalları AÇIQLADI