Tikinti müqavilələri ilə bağlı vacib AÇIQLAMA

Son dövrlərdə tikinti sektorunda müşahidə olunan əsas problemlərdən biri binaların və yaşayış komplekslərinin vətəndaşlara vaxtında təhvil verilməməsidir. Bu səbəbdən tikinti şirkətləri ilə bağlanan müqavilələrin hüquqi baxımdan daha dəqiq və detallı tərtib olunması məsələsi aktuallaşıb. Mütəxəssislər bildirirlər ki, müqavilələrdə boşluqların olması gələcəkdə ciddi hüquqi mübahisələrə yol açır.

Oxu24.com-un məlumatına görə, tikinti şirkətləri ilə bağlanan müqavilələrdə ən vacib məqamlardan biri binanın tikinti müddətinin konkret şəkildə göstərilməsidir. Müddətin qeyri-müəyyən və ya ümumi ifadələrlə qeyd olunması vətəndaşların hüquqlarının müdafiəsini çətinləşdirir və şirkətlərin öhdəliklərini gecikdirməsinə şərait yaradır.

Mütəxəssislərin fikrincə, müqavilədə yalnız tikinti müddətinin deyil, həm də öhdəliyin yerinə yetirilməməsi halında tətbiq ediləcək hüquqi məsuliyyətin də açıq şəkildə göstərilməsi vacibdir. Belə ki, sənəddə xüsusi bənd olmalıdır ki, tikinti şirkəti müəyyən edilmiş müddət ərzində binanı tam şəkildə tikib təhvil verə bilməzsə, bu halda vətəndaşa cərimə ödəməlidir.Bildirilib ki, cərimə mexanizmi tərəflər arasında əvvəlcədən razılaşdırılmalı və müqavilədə konkret olaraq qeyd olunmalıdır. Cərimə ya sabit məbləğ formasında, ya da gecikdirilən günlərin sayına uyğun hesablanmış qaydada müəyyən edilə bilər. Bu yanaşma həm vətəndaşın hüquqlarının qorunmasına, həm də tikinti şirkətlərinin məsuliyyətinin artırılmasına xidmət edir.

Mütəxəssislər vurğulayırlar ki, bu cür hüquqi tənzimləmələr tikinti sahəsində şəffaflığı artırır və tərəflər arasında etimadın formalaşmasına şərait yaradır. Eyni zamanda qeyd olunur ki, müqavilələrdə dəqiq şərtlərin olmaması gələcəkdə məhkəmə çəkişmələrinə və uzunmüddətli mübahisələrə səbəb ola bilər.Onların sözlərinə görə, tikinti müqavilələri imzalanarkən bütün əsas məqamlar — tikinti müddəti, keyfiyyət standartları, təhvil-təslim şərtləri və cərimə mexanizmi — mütləq şəkildə aydın və konkret formada göstərilməlidir. Bu, həm hüquqi təhlükəsizliyin təmin olunması, həm də vətəndaşların investisiyasının qorunması baxımından mühüm əhəmiyyət daşıyır.

Nəticə etibarilə, mütəxəssislər hesab edirlər ki, tikinti müqavilələrində düzgün hüquqi yanaşma tətbiq olunmadıqda, yaranan problemlər həm vətəndaşlar, həm də tikinti şirkətləri üçün ciddi maliyyə və hüquqi nəticələr doğura bilər.

Jalə 

Həmçinin oxuyun

TƏCİLİ! Avtomobil aşaraq yanıb, ölən və xəsarət alan var

Coşqun və Ucalın ölümünün şok detalları:200-300 metr aralı olublar -VİDEO

Bu şəxslərə əmək pensiyası xüsusi qaydada təyin olunur – AÇIQLAMA 

Qadınların 55 yaşında pensiyaya çıxması ilə bağlı AÇIQLAMA