Hörmüz boğazında üç neft tankerində yanğın baş verib
19 Noyabr 2026, 17:50
Qaynar xətt:
(+99450) 247 90 86
DÜNYA
366
02.10.2026, 22:23
Mənə Azərbaycandan maraqlı iş təklifləri gəlirdi. Amma mən xaricdə müasir sənayelərin təqdim etdiyi iş imkanlarindan yararlanmaq, ölkəmizə töhfəmi yeni müstəvidən vermək istəyirdim.
Oxu24.com xəbər verir ki, bunu ABŞ Ordusunda xidmət edən ilk azərbaycanlı qadın Kəmalə Surxay qızı Atakişiyeva Bizim.media-ya geniş müsahibəsində deyib.
O, ABŞ ordusunda xidmət etməsi məsələsinə qərar verməsindən danışıb:
"Bir gün həyat yoldaşımla Amerikada ən perspektivli karyera sahələrini müzakirə edirdik. Müzakirələrin sonunda ikimiz də bu qənaətə gəldik ki, ABŞ ordusunda xidmət eləmək gələcək üçün böyük fürsətlər yaradır. Elə həmin günün səhəri ABŞ Müdafiə Departamentinin Vaşinqtondakı şöbəsinə sorğu göndərdim. Tələblərini öyrəndim və 2-3 aylıq hazırlıqdan sonra qəbul imtahanınında 100 baldan 95-ni topladım. Eyni zamanda fiziki və sağlıq testlərindən də uğurla keçdim.
Ən çətin günlərim bundan sonra başladı. Bilirsiniz ki, Amerika ordusu dünyanın ən güclü ordusudur. Bu orduda xidmət keçmək, xüsusilə ilk 6 ayda çox-çox çətindir. İnanırsınız ki, xidmətimin ilk aylarında o qədər peşmanlıq çəkdim, öz-özümü danladım ki, "haradan başıma iş açdım.
Mən hərbi-hava qüvvələrinin helikopterlər bölməsində xidmətə başladım. Mənim işim helikopterlərin elektronika sistemlərinə nəzarət olsa da xidmətin ilk ayında çox çətin sınaqlardan keçdim. Bunları bir-bir sadalayıb vaxtınızı almaq istəmirəm. Amma qısaca onu deyim ki, Amerika filmlərində gördüyünüz ABŞ hərbçilərinin ağır təlimlərinin hamısını mən keçmişəm. Təsəvvür edin ki, biz ilk təlimlərə başlayanda 42 nəfər idi. Amma sonra 29 nəfər qalmışdı. Qalan yoldaşlarımız fiziki və psixoloji çətinliklər səbəbindən xidməti buraxmalı oldu".
O, həmçinin bildirib ki, 40 yaşından sonra siyasətə qoşulmaq istəyir:
"Mən təhlillər aparmışam. Ortaya çıxan fakt isə ondan ibarətdir ki, Amerikada hərbidən siyasətə gələnlər çox böyük uğur qazanır. Ən uğurlu və sevilən siyasətçilər, lap elə Con Kennedi zamanında hərbçi olub. Mən də bu yolla getmək istəyirəm, İnşallah".
19:55 / 19 Noyabr 2026
14
19:53 / 19 Noyabr 2026
4
19:30 / 19 Noyabr 2026
61
19:10 / 19 Noyabr 2026
379
19:05 / 19 Noyabr 2026
76
18:55 / 19 Noyabr 2026
88
18:50 / 19 Noyabr 2026
126
18:07 / 19 Noyabr 2026
256
17:58 / 19 Noyabr 2026
110
17:50 / 19 Noyabr 2026
96
17:47 / 19 Noyabr 2026
404
17:45 / 19 Noyabr 2026
112
17:41 / 19 Noyabr 2026
99
17:34 / 19 Noyabr 2026
102
17:30 / 19 Noyabr 2026
113
17:20 / 19 Noyabr 2026
109
17:15 / 19 Noyabr 2026
110
17:01 / 19 Noyabr 2026
320
16:51 / 19 Noyabr 2026
390
16:50 / 19 Noyabr 2026
148
16:48 / 19 Noyabr 2026
116
16:35 / 19 Noyabr 2026
135
16:29 / 19 Noyabr 2026
138
© 2026 Oxu24.com Müəllif hüquqları qorunur.