Dünya üç liderin görüşündən nə gözləyir: yeni razılaşma, yoxsa yeni qarşıdurma?
19 Noyabr 2026, 09:41
Qaynar xətt:
(+99450) 247 90 86
DÜNYA
44
19.11.2026, 14:26
Ukrayna parlamentinin nümayəndə heyəti Azərbaycana səfər edib.
Oxu24.com xəbər verir ki, bununla bağlı Ukraynanın Azərbaycandakı səfirliyi məlumat yayıb.
Bildirilib ki, səfərin əsas məqsədi əməkdaşlığın qurulması və qaçqınlara, məcburi köçkünlərə dəstək, müharibədən zərər çəkmiş ərazilərin bərpası və sosial infrastrukturun yenidən qurulması sahəsində Azərbaycanın təcrübəsinin öyrənilməsi olub.
Ukrayna Ali Radasının deputatları – “Ukraynanın məcburi köçkünləri” fraksiyalararası deputat birliyinin nümayəndələri, birliyin həmsədrləri Maksim Tkaçenko və Serhiy Kozyrin ölkə rəhbərliyi ilə bir sıra mühüm görüşlər keçiriblər.
Belə ki, Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyevlə danışıqlar aparılıb.
Milli Məclisdə nümayəndə heyəti Azərbaycan–Ukrayna parlamentlərarası əlaqələr üzrə işçi qrupunun rəhbəri Əlibala Məhərrəmzadə və parlamentin digər deputatları ilə görüşüb. Həmçinin Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayevlə görüş keçirilib.
Bakıda Şəhidlər xiyabanı ziyarət olunub.
Səfər proqramında Qarabağa səfər də təşkil olunub. Onlar azad edilmiş ərazilərdə aparılan bərpa proseslərini öz gözləri ilə görmək, infrastrukturun inkişafı ilə tanış olmaq və yerli sakinlərlə, o cümlədən uzun illər məcburi köçkün həyatı yaşadıqdan sonra öz doğma yurdlarına qayıtmış insanlarla ünsiyyət qurmaq imkanı əldə ediblər.
Görüşlər zamanı Ukrayna tərəfi Azərbaycana Ukraynaya göstərdiyi dəstəyə görə minnətdarlığını bildirib.
Tərəflər məcburi köçkünlərin sosial müdafiəsi, onların məşğulluğunun təmin edilməsi və reinteqrasiyası məsələlərini, eləcə də hər iki dövlət üçün faydalı ola biləcək praktiki təcrübə mübadiləsi imkanlarını ətraflı müzakirə ediblər.
“Bu səfər peşəkar əlaqələrin inkişafı, praktiki təcrübə mübadiləsi və Ukrayna-Azərbaycan strateji tərəfdaşlığının möhkəmləndirilməsi istiqamətində mühüm addım oldu. Əminəm ki, fəal parlamentlərarası dialoq qarşılıqlı anlaşmanın daha da dərinləşməsinə töhfə verməyə davam edəcək və ikitərəfli əməkdaşlıq üçün yeni imkanlar açacaq”, – Ukraynanın Azərbaycandakı səfiri Yuriy Husyev qeyd edib.
14:32 / 19 Noyabr 2026
1
14:15 / 19 Noyabr 2026
50
14:11 / 19 Noyabr 2026
52
14:03 / 19 Noyabr 2026
88
13:53 / 19 Noyabr 2026
91
13:47 / 19 Noyabr 2026
82
13:43 / 19 Noyabr 2026
88
13:38 / 19 Noyabr 2026
90
13:34 / 19 Noyabr 2026
94
13:28 / 19 Noyabr 2026
87
13:22 / 19 Noyabr 2026
84
13:15 / 19 Noyabr 2026
96
13:09 / 19 Noyabr 2026
124
12:56 / 19 Noyabr 2026
117
12:45 / 19 Noyabr 2026
94
12:41 / 19 Noyabr 2026
124
12:27 / 19 Noyabr 2026
96
12:13 / 19 Noyabr 2026
100
12:07 / 19 Noyabr 2026
102
11:57 / 19 Noyabr 2026
113
11:45 / 19 Noyabr 2026
111
11:30 / 19 Noyabr 2026
164
11:15 / 19 Noyabr 2026
142
© 2026 Oxu24.com Müəllif hüquqları qorunur.