Yüksək vəzifəyə təyin olunan Zülqədr kimdir? 

Xəbər verdiyimiz kimi, İranda yüksək səviyyəli təyinat baş tutub. Prezident Məsud Pezeşkianın fərmanı və Ali dini lider Müctəba xamneninin təsdiqi ilə Məhəmməd Baqer Zülqədr Ali Milli Təhlükəsizlik Şurasının katibi təyin edilib.

Oxu24.com  Yeni Sabah-a istinadən xəbər verir ki, bu vəzifə İranın təhlükəsizlik və xarici siyasət kursunun müəyyənləşdirilməsində əsas rol oynayan postlardan biri hesab olunur. Şura ölkənin müdafiə strategiyasını, regional siyasətini və beynəlxalq münasibətlərini koordinasiya edən ən mühüm qərarverici platformalardan biridir.

Məhəmməd Bağır Zülqədir İranın hərbi və təhlükəsizlik elitasında uzun illərdir tanınan fiqurlardandır. O, karyerasına İran İslam İnqilabı Keşikçiləri Korpusu (SEPAH) sıralarında başlayıb və İran-İraq müharibəsi dövründə aktiv iştirak edib. Sonrakı mərhələdə SEPAH daxilində müxtəlif rəhbər vəzifələrdə çalışaraq yüksək rütbəli komandirlərdən birinə çevrilib.

Hərbi karyerasından sonra o, dövlət idarəçiliyində də mühüm mövqelərə irəli çəkilib. Zülqədir müxtəlif illərdə daxili təhlükəsizlik strukturlarında, hüquq-mühafizə orqanlarında və məhkəmə sistemində məsul vəzifələr tutub. O, xüsusilə ictimai asayişin qorunması, daxili sabitliyin təmin olunması və dövlətə qarşı təhdidlərin neytrallaşdırılması istiqamətində fəaliyyət göstərən əsas fiqurlardan biri kimi tanınır.

Analitiklər Zülqədirin daha çox sərt təhlükəsizlik xəttinə yaxınlığı ilə seçildiyini bildirir. Onun yeni vəzifəyə təyinatı İranın mövcud təhlükəsizlik siyasətində ciddi dəyişiklikdən çox, mövcud kursun davam etdirilməsi kimi qiymətləndirilir. Bu təyinat, xüsusilə regionda gərginliyin artdığı bir dövrdə, Tehran rəhbərliyinin təhlükəsizlik məsələlərinə daha çox önəm verdiyini göstərir.

Qeyd edək ki, bu posta daha əvvəl Ali Larijani rəhbərlik edirdi. Onun ölümündən sonra boş qalan vəzifəyə edilən bu təyinat İran daxilində güc balansı və qərarvermə mexanizmləri baxımından da diqqətlə izlənilir.

Hazırda İranın daxili və xarici siyasətində baş verən proseslər fonunda Zülqədirin fəaliyyəti və qəbul edəcəyi qərarlar regionun təhlükəsizlik arxitekturasına da təsir edə biləcək əsas faktorlar sırasında göstərilir.

Həmçinin oxuyun

Qan təzyiqi monitorlarındakı “M” düyməsinin funkisyası nədir?

Bakıda güclü yağış yağacaq

Sel gözlənilir   —  XƏBƏRDARLIQ

Prezident İlham Əliyev bu xəbəri rəsmən AÇIQLADI: Yaxın aylarda...