Fransa bankı soyqırım üçün pul ödəyəcək

news/2025_10_18/903867_src_1760811636.jpg

DÜNYA

497

18.10.2025, 22:19

Reuters xəbər verir ki, ABŞ məhkəməsi müəyyən edib ki, Fransanın BNP Paribas bankı ABŞ-ın sanksiyalarına zidd olaraq Sudan hökumətinə bank xidmətləri göstərib və bununla da Afrika ölkəsində soyqırımına şərait yaradıb.

Məhkəmə BNP Paribas-ı Sudanın keçmiş prezidenti Ömər əl-Bəşirin hakimiyyəti dövründə insan haqları pozuntularına yol verdiyini iddia edən üç Sudan vətəndaşına 20,5 milyon dollar ödəməyə məcbur edib.

Qərar həmçinin ABŞ-da yaşayan 20 mindən çox sudanlı qaçqın üçün mümkün kompensasiyanın ödənilməsinə yol açır.

"Müştərilərimiz BNP Paribas tərəfindən təşkil edilən və dayandırılmalı olan ABŞ dolları ilə dəstəklənən dağıdıcı kampaniya nəticəsində hər şeylərini itirdilər" dedi iddiaçıların vəkili Bobby DiCello.

Beynəlxalq Cinayət Məhkəməsi (ICC) 2009 və 2010-cu illərdə Sudanın keçmiş prezidenti Ömər əl-Bəşirin həbsinə dair iki order verib. İttihamnamədə bildirilir ki, 2003-cü ildə ölkədə İkinci Vətəndaş Müharibəsi zamanı o, Fur, Zaqava və Masalit qəbilələrinin üzvlərinin yaşadığı kəndlərə hücumlar etməyi əmr edib. BCM prokurorunun sözlərinə görə, bu hücumlar nəticəsində azı 35 min insan həlak olub. Məhkəmə prokuroru bu barədə 2009-cu ilin martında bildirib.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Əl-Bəşir 1989-2019-cu illərdə dövlət başçısı vəzifəsində çalışıb və kütləvi etirazlar zamanı hakimiyyətdən uzaqlaşdırılıb. Daha sonra Sudan məhkəməsi onu korrupsiya ittihamı ilə iki il həbs cəzasına məhkum edib. 2021-ci ildə ölkə hakimiyyəti keçmiş prezidenti BCM-yə təhvil vermək qərarına gəlib.