Qaynar xətt:

(+99450) 247 90 86

Litva özünü dron divarı ilə Rusiyadan qorumaq istəyir

2025/02/11/1739263743_litvaf.jpg

DÜNYA

481

19.08.2025, 17:35

Litva Baltikyanı ölkələrlə birlikdə sərhəddən Norveçdən Polşaya qədər uzanacaq 15 km enində “dron divarı” yaratmaq niyyətindədir.

Oxu24.com  xəbər  verir   ki,   bu  barədə  Litva Daxili İşlər Nazirliyinin mətbuat xidməti məlumat yayıb.

Bu barədə qərar Litva Daxili İşlər Nazirliyinin rəhbəri Aqne Bilotaite ilə Baltikyanı ölkələr, Polşa, Finlandiya və Norveçin daxili işlər nazirləri arasında keçirilən görüşdə qəbul edilib.

Litva Daxili İşlər Nazirliyinin rəhbərinin sözlərinə görə, bütün Baltikyanı region Rusiya və Belarus tərəfindən təhdidlərlə üzləşir və özlərini qorumaq üçün onlar belə bir divar yaratmağa məcburdurlar, çünki müasir dünyada ilk təmas əsgərlər arasında döyüş meydanında deyil, texnologiyalar arasında baş verir.

Ekspert hesablamalarına görə, “dron divarı”nın yaradılmasının əsas xərcləri 0,5 milyard avro təşkil edə bilər.

Litvanın Müdafiə Nazirliyi daha əvvəl 50 km dərinliyə malik olan və Rusiya və Belarusla sərhəddə gücləndirilmiş nəzarəti təmin edəcək vahid üçpilləli müdafiə xəttinin tikintisini elan edib.

Müdafiə xətti üç eşelondan, o cümlədən tank əleyhinə xəndəklərdən, minalanmış sahələrdən, səngərlərlə möhkəmləndirilmiş mövqelərdən və mühəndis maneələrindən ibarət olacaq.

Bütün bunlar NATO və Aİ layihələri ilə inteqrasiya olunacaq. Onların əsas vəzifəsi rus qoşunlarının hərəkətini ləngitməkdir.

Nigar