HƏMAS: İsrail Qəzzanı ələ keçirmə planını danışıqlarda təzyiq vasitəsi kimi istifadə edir

Fələstinin radikal HƏMAS hərəkatı hesab edir ki, İsrailin bütün Qəzza zolağına nəzarəti ələ keçirmək planı sadəcə olaraq danışıqlar prosesində Fələstin tərəfinə təzyiq vasitəsidir.

Oxu24.com    xəbər  verir   ki, bu barədə “Asharq al-Awsat” qəzeti Fələstin təşkilatındakı mənbəyə istinadən məlumat yayıb.

Mənbənin sözlərinə görə, İsrailin baş naziri Benyamin Netanyahu bu plandan HƏMAS-dan güzəşt əldə etməyə ümid etdiyi “təzyiq rıçaqı” kimi istifadə edir.

Bununla yanaşı, hərəkat hesab edir ki, istənilən güzəştin ardınca İsrail tərəfinin “daha çox tələbləri” gələcək.

HƏMAS əmindir ki, Netanyahu münaqişənin sülh yolu ilə həllindən xeyir görmür, çünki hərbi əməliyyatların davam etdirilməsi ona “siyasi dividendlər” gətirir.

Bundan əvvəl İsrailin dövlət telekanalı Kan Netanyahunun ofisinin bəyanatına istinadən xəbər vermişdi ki, İsrail hərbi-siyasi kabineti baş nazirin Qəzza şəhərinin bütün ərazisini nəzarətə götürmək və Fələstin anklavında əməliyyatı genişləndirmək üçün təklif etdiyi planı təsdiqləyib.

Onun müddəalarına görə, İsrail Müdafiə Qüvvələri döyüş bölgələrindən kənarda mülki əhaliyə humanitar yardım göstərərkən Qəzzada əməliyyata hazırlaşacaq. Öz növbəsində, Ynet portalı avqustun 7-də yazıb ki, yəhudi dövlətinin siyasi rəhbərliyi Fələstin anklavının "tam işğalı" ilə bağlı qərar qəbul etməyə yaxındır.

Həmçinin oxuyun

Leyla Əliyeva xalasını doğum günündə belə TƏBRİK ETDİ  

Respublikanın ən gənc  prorektoru  Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi?  - SUALA CAVAB 

2023-cü il oktyabrın 7-də Fələstin radikal HƏMAS hərəkatının silahlı tərəfdarlarının Qəzza zolağından İsrail ərazisinə soxulmasından, sərhəd yaşayış məntəqələrinin sakinlərinin qətlə yetirilməsi və əsirlərin girov götürülməsindən sonra Yaxın Şərqdə vəziyyət kəskin şəkildə gərginləşib.

Buna cavab olaraq İsrail HƏMAS-ın hərbi və siyasi strukturlarını məhv etmək və qaçırılanların hamısını azad etmək məqsədi ilə anklavda hərbi əməliyyata başlayıb.

Bu ilin mart ayında İsrail hərbçiləri anklavda döyüşləri bərpa edərək, ona qarşı kütləvi zərbələr endirib və yanvarda yaradılmış atəşkəsi pozub. Qətər, Misir və ABŞ-ın vasitəçiliyi ilə keçirilən danışıqların bir neçə raundu zamanı münaqişə tərəfləri yeni sazişin şərtlərini müəyyən edə bilməyiblər.

Nigar