Qaynar xətt:

(+99450) 247 90 86

Hindistan Rusiyanı kimə dəyişəcək?

DÜNYA

730

17.07.2025, 15:10

Hindistanın  neft naziri Hardeep Singh Puri əmindir ki, ikinci dərəcəli sanksiyalar Rusiyanın tədarükünü vurarsa, Hindistan öz neft ehtiyacını alternativ mənbələrdən ödəyə biləcək.

Oxu24.com  bu barədə Reuters-ə istinadən  xəbər verir.

Bu həftənin əvvəlində ABŞ prezidenti Donald Tramp xəbərdarlıq etmişdi ki, Moskva 50 gün ərzində Ukrayna ilə sülh razılaşmasına nail olmasa, Rusiya neftini alan ölkələr sanksiyalarla üzləşə bilər.

Puri hesab edir ki, Hindistan Rusiya idxalı ilə bağlı istənilən çətinliyi başqa ölkələrə müraciət etməklə həll edə bilər. O qeyd edib ki, bazara çoxlu yeni təchizatçılar daxil olur. Bundan əlavə, Hindistan kəşfiyyat və hasilatı artırır.

"Mən heç narahat deyiləm. Əgər bir şey olarsa, öhdəsindən gələcəyik",deyə Puri Yeni Dehlidə sənaye tədbirində  qeyd edib.

"Hindistan tədarük mənbələrini şaxələndirdi və düşünürəm ki, biz indi təxminən 27 ölkədən 40-a yaxın ölkəyə alışmışıq", deyə o bildirib.

Rusiya Hindistanın ən böyük neft tədarükçüsü olaraq qalır və ümumi tədarükün təxminən 35%-ni təşkil edir. Ondan sonra İraq, Səudiyyə Ərəbistanı və Birləşmiş Ərəb Əmirlikləri gəlir.

Miri