Qaynar xətt:

(+99450) 247 90 86

Rus "İskəndər"ləri Patriot Hava Hücumundan Müdafiə Sistemlərini məhv edir

DÜNYA

783

09.07.2025, 11:11

Military Watch Magazine Rusiyanın "İskəndər" ballistik raketlərinin ayrı-ayrı zərbələr zamanı Amerikanın bir neçə "Patriot" hava hücumundan müdafiə sistemini məhv etdiyini bildirib.

Oxu24.com   xəbər  verir    ki, nəşr Ukrayna Hərbi Hava Qüvvələrinin sözçüsü İqor İqnatın sözlərinə istinad edərək, Rusiya raketlərinin Patriot sistemlərini aldadan yalançı hədəfləri atmağa qadir olduğunu təsdiqləyib.

Nəşr qeyd edir ki, Ukraynadakı döyüşlər zamanı Amerika Patriot sistemlərinin döyüş qabiliyyətini sürətlə itirməsi onların gərgin münaqişə şəraitində effektivliyinə şübhələr yaradıb.

Eyni zamanda nəşr qeyd edib ki, Rusiya, Çin və Şimali Koreya yerüstü hava hücumundan müdafiə sistemlərinə arxalanır, ABŞ isə təhdidlərin qarşısını almaq üçün qırıcılardan istifadə etməyə üstünlük verir.

Jurnalın məlumatına görə, ABŞ-da məhdud sayda Patriot sistemləri var ki, bu da genişmiqyaslı qarşıdurma zamanı risklər yarada bilər. Bir Patriot zenit-raket kompleksinin 3 dəfə baha başa gəlməsinə baxmayaraq, Rusiyanın S-500 sisteminin texniki xüsusiyyətlərinə görə Patriotdan üstün olduğu da vurğulanıb.

Bundan əvvəl KİV-lər ABŞ-da “Patriot” hava hücumundan müdafiə sistemi üçün raketlərin sayının əhəmiyyətli dərəcədə azaldığını bildirib.

Miri